ខេត្តបាត់ដំបង ៖ សេចក្តីរាយការណ៍បានឱ្យដឹងថា គិតត្រឹមវេលាម៉ោង១រសៀលថ្ងៃទី២៣ កញ្ញា ២០១៥ នេះ សមត្ថកិច្ចចម្រុះ រួមទាំងព្រះរាជអាជ្ញារង បានសម្រេចយករថយន្តស៊េរីទំនើបម៉ាកអូឌីរបស់ស្ត្រីដែលបង្កគ្រោះថ្នាក់ចរាចរណ៍ និងជេរប្រមាថសមត្ថកិច្ច
ខេត្តបាត់ដំបង ៖ សេចក្តីរាយការណ៍បានឱ្យដឹងថា គិតត្រឹមវេលាម៉ោង១រសៀលថ្ងៃទី២៣ កញ្ញា ២០១៥ នេះ សមត្ថកិច្ចចម្រុះ រួមទាំងព្រះរាជអាជ្ញារង បានសម្រេចយករថយន្តស៊េរីទំនើបម៉ាកអូឌីរបស់ស្ត្រីដែលបង្កគ្រោះថ្នាក់ចរាចរណ៍ និងជេរប្រមាថសមត្ថកិច្ច ទៅរក្សាទុកនៅអធិការដ្ឋានស្រុកសំពៅលូន ដើម្បីរង់ចាំឱ្យម្ចាស់រថយន្តចូលខ្លួនមកដោះស្រាយតាមផ្លូវច្បាប់ ។
បើតាមការសន្និដ្ឋានរបស់សមត្ថកិច្ចថា ខណៈនេះស្ត្រីបង្កឈ្មោះសូ ដាម៉ុន ហៅមុំ ដែលជាម្ចាស់រថយន្តអូឌីនោះ កំពុងគេចខ្លួននៅក្នុងស្រុកនៅឡើយទេ ខណៈដែលទូរស័ព្ទទាក់ទងលែងបានហើយ ហើយសមត្ថកិច្ចក៏អំពាវនាវឱ្យស្ត្រីរូបនោះ គួរតែចូលខ្លួនឱ្យបានឆាប់ ដើម្បីដោះស្រាយតាមផ្លូវច្បាប់ ។
ជំហានដំបូង ស្ត្រីខាងលើអាចប្រឈមនឹងបទល្មើស២ករណី ទី១-អាចជាប់ពាក់ព័ន្ធករណីបង្កគ្រោះថ្នាក់ និង២-អាចជាប់ពាក់ព័ន្ធបទល្មើសព្រហ្មទណ្ឌ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ