រាជធានីភ្នំពេញ ៖ កាលពីថ្ងៃទី4 កញ្ញា 2015 កន្លងទៅនេះ ក្រុមហ៊ុន F&N និងក្រុមហ៊ុន គៀង ហ៊ួត បានរៀបចំកម្មវិធីជប់លៀងថ្លែងអំណរគុណដៃគូពាណិជ្ជកម្មរបស់ខ្លួនយ៉ាង អធិកអធមនៅសណ្ឋាគារ សុខា ភ្នំពេញ ដើម្បីអបអរសាទរដល់ភាពជោគជ័យ និងកិច្ចខិតខំប្រឹងប្រែងរបស់ដៃគូទាំងអស់សម្រាប់ឆ្នាំកន្លងមក។
នៅក្នុងព្រឹត្តិការណ៍នេះផងដែរ ក្រុមហ៊ុនបានដាក់បង្ហាញផលិតផល២ គឺទឹកដោះគោខាប់ ធីផត និងទឹកដោះគោស្រស់ ធីផត អិចស្ត្រា ដែលបានវិវត្តន៍រូបរាងថ្មីកាន់តែទាក់ទាញ ហើយប្រើទាំងពីរមុខរួមគ្នានឹងធ្វើឲ្យភេសជ្ជៈ និងអាហារគ្រប់មុខមានរសជាតិកាន់តែឆ្ងាញ់។ ពិសេសជាងនេះទៅទៀត ក្រុមហ៊ុនបានដាក់សម្ពោធផលិតផលថ្មី គឺទឹកដោះគោឆៅ ម៉េកណូលា គីងកុ ភ្លឹស អមដោយការសម្តែងដ៏រស់រវើកពីក្បាច់រាំ Fighting Gravity បានបង្ហាញពីអត្ថប្រយោជន៍ដោយមានស្លឹកគីងកុ និងវីតាមីន B12 ជួយបង្កើនការចងចាំ និងពង្រឹងសមត្ថភាពខួរក្បាលឲ្យកាន់តែឈ្លាសវៃ ថែមទាំងមានជាតិកាល់ស្យូមខ្ពស់ធ្វើឲ្យឆ្អឹងរឹងមាំ។ ទឹកដោះគោ ឆៅ ម៉េកណូលា គីងកុ ភ្លឹស មាន៣រសជាតិ គឺរសជាតិស្រូវសាលី រសជាតិសាប និងរសជាតិសូកូទ្បា ជាជម្រើសសម្រាប់គ្រប់គ្នា ។
លោក Vorachaet Phaisakamas នាយកផ្នែកលក់ប្រចាំឥណ្ឌូចិន នៃក្រុមហ៊ុន F&N Dairies (Thailand)Limited បានថ្លែងទៅកាន់ដៃគូពាណិជកម្មទាំងអស់ថា «យើងនឹងរក្សាតំណែងលេខ១ របស់ទឹកដោះគោខាប់ ធីផត នៅកម្ពុជា ក៏ដូចគ្នានឹងផលិតផលថ្មីគឺ ទឹកដោះគោឆៅម៉េកណូលាគីងកុភ្លឹស ដែលទើបតែដាក់សម្ពោធនៅក្នុងប្រទេសថៃ ដោយទទួលបានភាពជោគជ័យយ៉ាងសម្បើម ដូច្នេះយើងជឿជាក់ថា អ្នកទាំងអស់គ្នានឹងបន្តចូលរួមបង្កើនភាពជោគជ័យនេះជាមួយយើងទាំងអស់គ្នា៕
ចែករំលែកព័តមាននេះ