ប្រទេសវៀតណាម ៖ សំណង់ឧទ្យានឧស្សាហកម្មក្នុងទីក្រុងមួយដែលមានទំហំទឹកប្រាក់១ប៊ីលានដុល្លារ បានចាប់ផ្តើមលេចរូបរាងឡើងកាលពីសប្តាហ៍មុននៅក្នុងតំបន់ភាគខាងត្បូង ប្រទេសវៀតណាម
ប្រទេសវៀតណាម ៖ សំណង់ឧទ្យានឧស្សាហកម្មក្នុងទីក្រុងមួយដែលមានទំហំទឹកប្រាក់១ប៊ីលានដុល្លារ បានចាប់ផ្តើមលេចរូបរាងឡើងកាលពីសប្តាហ៍មុននៅក្នុងតំបន់ភាគខាងត្បូង ប្រទេសវៀតណាម គឺស្រុក Chon Thanh ខេត្ត Binh Phuoc ។
គម្រោងអភិវឌ្ឍន៍នេះមានការចូលរួមពីក្រុមហ៊ុន Becamex –Binh Phuoc JSC ដែលជាសម្ព័ន្ធអាជីវកម្មរវាងក្រុមហ៊ុន Becamex IDC និង Song Be Rubber ឬ Becamex និងក្រុមហ៊ុនដទៃទៀត ដែលសង់លើផ្ទៃដី៤.៦៣៣ហិកតា ត្រូវបានគេរំពឹងថា នឹងទាក់ទាញការវិនិយោគក្នុងទំហំទឹកប្រាក់៣ពាន់លានដុល្លារនៅពេលបិទបញ្ឈប់គម្រោងនេះ ។
ក្នុងចំណោមផ្ទៃដីនៃគម្រោងទាំងមូល មានដី២.៤៤៨ហិកតា នឹងទុកសម្រាប់សង់ឧទ្យានឧស្សាហកម្មដែលនឹងផ្តោតលើវិស័យជាក់លាក់នានាដូចជា គ្រឿងអេឡិចត្រូនិក បច្ចេកវិទ្យាព័ត៌មាន ទូរគមនាគមន៍ អាហារ ផលិតផលកែច្នៃផ្នែកកសិកម្ម និងមុខទំនិញដទៃទៀត ។
ចំណែកលោក Nguyen Van Hung ប្រធាននិងជាអគ្គនាយកគ្រប់គ្រងក្រុមហ៊ុន Becamex IDC បានថ្លែងថា អគារខ្វាត់ខ្វែងទាំងនេះ នឹងជួយដល់ការធ្វើឲ្យប្រសើរឡើងនូវតំបន់កសិកម្ម ក៏ដូចជាការជួយធ្វើឲ្យទៅជាលក្ខណៈឧស្សាហកម្ម(ឧស្សហូបនីយកម្ម)និងទំនើបនីយកម្មនៅខេត្ត Binh Phuoc និងតំបន់ទូទៅក្នុងប្រទេសផងដែរ ។
អគារនោះដែរគឺមានទីតាំងស្ថិតនៅលើដងផ្លូវជាតិលេខ១៣ដែលតភ្ជាប់ជាមួយប្រទេសកម្ពុជា និងផ្លូវជាតិលេខ១៤ដែលឆ្ពោះទៅកាន់តំបន់ខ្ពង់រាបភាគកណ្តាលប្រទេស ។
Becamex បានសាងសង់ឧទ្យានឧស្សាហកម្មបីទៅបួនទីតាំងរួចមកហើយដូចជា ៖ សួនឧស្សាហកម្មវៀតណាម-សិង្ហបុរី នៅក្នុងតំបន់ជាច្រើនទូទាំងប្រទេស, Binh Duong Industrial Service , Urban Complex, My Phuoc Industrial Park និងសួនឧស្សាហកម្ម Bau Bang Industrial Park ជាដើម ៕
ចែករំលែកព័តមាននេះ