សហរដ្ឋអាមេរិក ៖ បុរសម្នាក់កាលពីថ្ងៃទី៣១ ខែមីនា ឆ្នាំ២០២១ បានបាញ់ប្រហារក្នុងអគារការិយាល័យមួយនៅទីក្រុង ORANGE ជាទីក្រុងមួយស្ថិតនៅភាគខាងត្បូងក្រុងឡូសអេនចឹឡេសរដ្ឋកាលីហ្វ័រនីញ៉ា ។ មនុស្ស៤នាក់ក្នុងនោះមានកុមារម្នាក់ផងបានត្រូវស្លា.ប់ ។ មនុស្សទី៥ម្នាក់រងរបួស និងបញ្ជូនទៅមន្ទីរពេទ្យ ។
មូលហេតុនៃការបាញ់ប្រហារនោះនៅមិនទាន់ដឹងនៅឡើយសម្រាប់ពេលនេះ ។ ខ្មាន់កាំភ្លើងរងរបួសដោយគ្រាប់កាំភ្លើងរបស់ប៉ូលិស និងបញ្ជូនទៅមន្ទីរពេទ្យ ។ ក្នុងសេចក្ដីប្រកាសមួយប៉ូលិសមិនបានរាយការណ៍ដោយលម្អិតពីជនរងគ្រោះក្នុងសោកនាដកម្មនេះឡើយ ។
ការបាញ់ប្រហារកើតមាននាវេលាម៉ោងប្រមាណជា១៧និង៣០នាទីម៉ោងក្នុងស្រុក នៅជាន់ខាងលើផុតនៃអាគារតូចមួយដែលជាការិយាល័យ ។ តាមកាសែតឡូសអេនចឺឡេសថែមថា ប៉ូលិសបានលើកទៅកាន់អគារនោះ ហើយរងការបាញ់ប្រហារនិងបានតបតវិញ ។
ការបាញ់ប្រហារថ្មីនោះកើតមាន បន្ទាប់ពីការបាញ់ប្រហារ២នាពេលថ្មី២នេះនៅសហរដ្ឋអាមេរិក បណ្ដាលឲ្យមនុស្សស្លា.ប់ច្រើននាក់ជម្រុញឲ្យមានការជជែកដេញដោលគ្នាពីការសាយភាយអាវុធក្នុងប្រទេស ។ កាលពីថ្ងៃទី២២មីនាខ្មាន់កាំភ្លើងម្នាក់បានបាញ់សម្លា.ប់មនុស្ស១០នាក់
ក្នុងផ្សារទំនើបមួយនៃទីក្រុង BOULDER រដ្ឋកូឡូរ៉ាដូ មិនដល់១សប្ដាហ៍ក្រោយពីបុរសម្នាក់បានបាញ់សម្លា.ប់មនុស្ស៨នាក់ក្នុងសាឡុង
ម៉ាស្សាអាស៊ី៣នៅទីក្រុងអាត្លង់តារដ្ឋចចជៀ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ