ប្រទេសមីយ៉ាន់ម៉ា ៖ លោកស្រីអ៊ួងសាន់ ស៊ូជី មេដឹកនាំស៊ីវិលមីយ៉ាន់ម៉ា ដែលត្រូវផ្ដួលរំលំដោយរដ្ឋប្រហារយោធាហាក់មានសុខភាពល្អក៏
ទោះបីលោកស្រីស្ថិតក្នុងការឃុំឃាំងច្រើនសប្ដាហ៍មកហើយក្ដី ។ នេះជាការអះអាងកាលពីថ្ងៃទី៣១ មីនា របស់មេធាវីលោកស្រី ។
ជាង២ខែមកហើយក្រោយពួកយោធាដណ្ដើមអំណាច និងការបង្ក្រាបបង្ហូរឈាម ចលនាស្និទ្ធប្រជាធិបតេយ្យការគាបសង្កត់របស់អន្តរជាតិមានកាន់តែខ្លាំង ជាមួយកិច្ចប្រជុំថ្មីរបស់ក្រុមប្រឹក្សាសន្តិសុខ អ.ស.ប ។ លោកស្រីស៊ូជី ជ័យលាភីពានរង្វាន់ណូបែលសន្តិភាពឆ្នាំ១៩៩១ ត្រូវចាប់ខ្លួនក្នុងពេលធ្វើរដ្ឋប្រហារយោធាថ្ងៃទី១ កុម្ភៈ ដោយលោកស្រីត្រូវប្រឈមមុខនឹងការចោទប្រកាន់ជាច្រើន ពិសេសការចោទប្រកាន់ពីបទពុករលួយ ។
មេធាវីលោកស្រីលោក MIN MIN SOE បានជួបសន្ទនាជាមួយលោកស្រី តាមវីដេអូអនឡាញ នៅឯស្នងការដ្ឋានប៉ូលិសក្រុងណៃពិដោ ។ លោកស្រីត្រូវបាននាំបង្ហាញខ្លួននៅមុខតុលាការជាថ្មីនាថ្ងៃទី១ មេសា តាមរយៈវីដេអូអនឡាញ។ សមាជិកទាំង១៥របស់ក្រុមប្រឹក្សាសន្តិសុខ
អ.ស.ប បានរួមប្រជុំបន្ទាន់ជាសម្ងាត់នាថ្ងៃទី៣១ មីនា ប៉ុនប៉ងផ្ដល់ចម្លើយរួមមួយចំពោះវិបត្តិ ។ អ.ស.ប មានការខ្វែងគំនិតគ្នាដោយសហរដ្ឋអាមេរិក និងអង់គ្លេសប្រកាសពីការដាក់ទណ្ឌកម្មថ្មីៗរយៈពេលប៉ុន្មានថ្ងៃចុងក្រោយនេះ ខណៈចិន និងរុស្ស៊ីបដិសេធមិនថ្កោលទោសជាផ្លូវការចំពោះរដ្ឋប្រហារ ។ ក្រុងមូស្គូចង់រហូតដល់ពង្រឹងកិច្ចសហប្រតិបត្តិការយោធាជាមួយរបបថ្មីទៀតផង ។
ឆ្លៀតពេលមានការខ្វែងគំនិតគ្នានោះពួកឧត្ដមសេនីយ៍បានបន្តការបង្ក្រាបបង្ហូរឈាមពួកបាតុករដោយមនុស្ស៨នាក់ទៀតបានត្រូវបាញ់សម្លា.ប់ កាលពីថ្ងៃទី៣០មីនាដោយកងកម្លាំងសន្តិសុខ។ នាថ្ងៃទី១មេសាបេសកជនអ.ស.បសម្រាប់មីយ៉ាន់ម៉ា បានប្រកាសអាសន្ន ពីគ្រោះថ្នាក់ នៃសង្គ្រាមស៊ីវិលមួយនិងការបង្ហូរឈា.មកាន់តែខ្លាំងក្នុងប្រទេសនេះ។ មនុស្សជាង៥៣០នាក់ហើយ ក្នុងនោះមាននិស្សិត ក្មេងជំទង់និងកុមារច្រើននាក់ បានត្រូវសម្លា.ប់ដោយកងកម្លាំងសន្តិសុខ។ អំពើហិង្សាប្រឆាំងជនស៊ីវិល នាំឲ្យមានការផ្ទុះកំហឹង ក្នុងចំណោមក្រុមឧទ្ទាមជនជាតិភាគតិច ប្រមាណជា២០ក្រុមនៅមីយ៉ាន់ម៉ា។ ក្រុមឧទា្ទមមួយចំនួនបានធ្វើការវាយប្រហារ ប្រឆាំងប៉ូលិសនិងកងទ័ព នាំឲ្យមានការតបតវិញ តាមរយៈការវាយប្រហារតាមអាកាស៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ