ប្រទេសលីប៊ី ៖ បេសកកម្ម អ.ស.ប សម្រាប់លីប៊ី MANUL កាលពីយប់ថ្ងៃទី៣១ មីនា បានសម្ដែងការអបអរសាទរចំពោះការដោះលែងនាពេលមុននេះនូវឈ្លើយសឹក១២០នាក់ជាអ្នកធ្លាប់ប្រយុទ្ធក្នុងជួរកងកម្លាំងរបស់សេនាប្រមុខខាលីហ្វាហាហ្វតារ បុរសខ្លាំងភាគខាងកើតប្រទេស ដោយអំពាវនាវឲ្យមានការដោះលែងឈ្លើយសឹកដទៃៗទៀត ។
MANUL បានសមែ្ដងការសាទរចំពោះការខិតខំប្រឹងប្រែងនានារបស់រដ្ឋាភិបាលរួបរួមជាតិ សំដៅបង្រួបបង្រួមជាតិ ដែលបានលើកឡើងនា
ពេលនេះជាមួយការដោះលែងក្រុមឈ្លើយសឹកនោះនៅទីក្រុងហ្សាវីយ៉ាភាគខាងលិចប្រទេស ។
MANUL សង្ឃឹមថា ការផ្ដួចផ្ដើមគំនិតនេះ ជាការចាប់ផ្ដើមការបង្រួបបង្រួមជាតិ ដោយអំពាវនាវឲ្យមានការដោះលែងអ្នកទោសទាំងអស់ មុនដើមខែរ៉ាម៉ាដាន គ្រោងចាប់ផ្ដើមរង្វង់ថ្ងៃទី១២ មេសា ។ នាយករដ្ឋមន្ត្រីនៃរដ្ឋាភិបាលរួបរួមជាតិលីប៊ីលោក ABDELHAMID DBEIBAH បានសរសេរតាម TWITTER ថា អនាគតនិងការអភិវឌ្ឍន៍លីប៊ីទាក់ទិនទៅនឹងសមត្ថភាពផ្សះដំបៅតាមរយៈការបង្រួបបង្រួមជាតិ ។
ឈ្លើយសឹកទាំងនេះត្រូវបានដោះលែង ក្រោយពិធីមួយដែលរៀបចំធ្វើឡើងដោយអាជ្ញាធរក្រុងហ្សាវីយ៉ាស្ថិតនៅចម្ងាយ៤៥គីឡូម៉ែត្រខាងលិចក្រុងទ្រីប៉ូលី ។ ឈ្លើយសឹកទាំងនោះជាអ្នកធ្លាប់ចូលរួមក្នុងការប្រយុទ្ធហើយត្រូវចាប់ខ្លួនដោយកងកម្លាំងការពារក្រុងពេលចាប់ផ្ដើមវាយលុកមិនបានសម្រេចក្នុងការដណ្ដើមយកក្រុងនោះពីសំណាក់់កងកម្លាំងរបស់សេនាប្រមុខហាហ្វតារ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ