ខ្យល់កួចបណ្តាលឱ្យផ្ទះ ១ខ្នង ប៉ើងតាមខ្យល់ រំលំ របួសធ្ងន់ស្ត្រីម្នាក់
- បន្ទាយមានជ័យ
បន្ទាយមានជ័យ៖ ខ្យល់កួច បណ្តាលផ្ទះ ១ខ្នង ប៉ើងតាមខ្យល់ រំលំ បណ្តាលស្ត្រីម្នាក់ របួសធ្ងន់។ ហេតុការណ៍នេះ បានកើតឡើង…
បន្ទាយមានជ័យ៖ ខ្យល់កួច បណ្តាលផ្ទះ ១ខ្នង ប៉ើងតាមខ្យល់ រំលំ បណ្តាលស្ត្រីម្នាក់ របួសធ្ងន់។ ហេតុការណ៍នេះ បានកើតឡើង…
បន្ទាយមានជ័យ៖ ខ្យល់កួច បណ្តាលផ្ទះ ១ខ្នង ប៉ើងតាមខ្យល់ រំលំ បណ្តាលស្ត្រីម្នាក់ របួសធ្ងន់។ ហេតុការណ៍នេះ បានកើតឡើង កាលពីម៉ោង ១២រសៀលថ្ងៃទី៣០ ខែមីនា ឆ្នាំ២០២១ នៅចំណុចបឹងជម្រុក ស្ថិតក្នុងភូមិទួលប្រាសាទ ឃុំទួលពង្រ ស្រុកម៉ាឡៃ។
លោកវរៈសេនីយ៍ឯក បេន សំអាត អធិការនគរបាលស្រុកម៉ាឡៃ បានប្រាប់ថា ស្ត្រីរងគ្រោះដែលត្រូវខ្យល់កួចផ្ទះរលំ បណ្តាលរបួសធ្ងន់នោះ ឈ្មោះ រី អាយុ ៥៣ឆ្នាំ រស់នៅភូមិកើតហេតុខាងលើ។
លោកបានបញ្ជាក់ថា នៅវេលាម៉ោង ១២រសៀល មានខ្យល់កួចផ្ទះ ១ខ្នង ដែលធ្វើពីឈើប្រក់ស័ង្កសី ផ្ទាល់ដី ដែលមានទំហំ ៤ម៉ែត្រ x ៥ម៉ែត្រ បណ្តាលរសាត់តាមខ្យល់រលំផ្ទះ បណ្តាលឲ្យស្ត្រីម្ចាស់ផ្ទះរបួសធ្ងន់ ដោយផ្ទះប៉ើងចំ។ ស្ត្រីរងគ្រោះ ត្រូវបានកម្លាំងនគរបាលបានជួយបញ្ជូនទៅសង្គ្រោះនៅមន្ទីរពេទ្យ។ ហេតុការណ៍នោះ បណ្តាលឲ្យផ្ទះខូចខាតទាំងស្រុង។
លោកវរៈសេនីយ៍ឯក បេន សំអាត បានបញ្ជាក់ថា ជាការណែនាំពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានអោយកម្លាំងនគរបាល ត្រូវជួយអន្តរាគមន៍ រុះរើផ្ទះ ដែលខ្យល់កួចខូចខាតនោះ ហើយជួសជុលឡើងវិញ ដើម្បីប្រជាពលរដ្ឋ បានរស់នៅ៕ ដោយ៖ ប៊ុន ធឿន
ចែករំលែកព័តមាននេះ