ខេត្តបន្ទាយមានជ័យ ៖ មានករណីខ្យល់កួច បណ្តាលឱ្យផ្ទះ១ខ្នងប៉ើងតាមខ្យល់ និងរំលំខូចខាតអស់ទាំងស្រុង និងបណ្តាលឱ្យស្ត្រីម្នាក់ជាម្ចាស់ផ្ទះរងរបួសធ្ងន់ កាលពីវេលាម៉ោង១២រសៀលថ្ងៃទី៣០ ខែមីនា ឆ្នាំ២០២១ នៅចំណុចបឹងជម្រុក…
ខេត្តបន្ទាយមានជ័យ ៖ មានករណីខ្យល់កួច បណ្តាលឱ្យផ្ទះ១ខ្នងប៉ើងតាមខ្យល់ និងរំលំខូចខាតអស់ទាំងស្រុង និងបណ្តាលឱ្យស្ត្រីម្នាក់ជាម្ចាស់ផ្ទះរងរបួសធ្ងន់ កាលពីវេលាម៉ោង១២រសៀលថ្ងៃទី៣០ ខែមីនា ឆ្នាំ២០២១ នៅចំណុចបឹងជម្រុក ស្ថិតក្នុងភូមិទួលប្រាសាទ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ។
លោកវរៈសេនីយ៍ឯក បេន សំអាត អធិការនគរបាលស្រុកម៉ាឡៃបានប្រាប់ថា ស្ត្រីរងគ្រោះឈ្មោះ រី អាយុ៥៣ឆ្នាំ រស់នៅភូមិឃុំកើតហេតុខាងលើ។
លោកបានបញ្ជាក់ថា នៅវេលាម៉ោងកើតហេតុខាងលើ ស្រាប់តែមានខ្យល់កួចផ្ទះ១ខ្នង ធ្វើអំពីឈើប្រក់ស័ង្កសីផ្ទាល់ដី ដែលមានទំហំ៤ម៉ែត្រគុណនឹង៥ម៉ែត្រ បណ្តាលឱ្យប៉ើងតាមខ្យល់រលំខូចខាតអស់ទាំងស្រុង និងបណ្តាលឱ្យស្ត្រីជាម្ចាស់ផ្ទះរងរបួសធ្ងន់ ហើយត្រូវបានកម្លាំងនគរបាលប្រចាំការបានចុះទៅជួយសង្គ្រោះដឹកទៅកាន់មន្ទីពេទ្យ ។
លោកវរៈសេនីយ៍ឯក បេន សំអាត បានបញ្ជាក់ថា ជាការណែនាំពីសំណាក់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានអោយកម្លាំងនគរបាលត្រូវជួយអន្តរាគមន៍រុះរើផ្ទះដែលត្រូវខ្យល់កួចបណ្តាលឱ្យខូចខាតខាងលើ និងត្រូវជួសជុលឡើងវិញ ដើម្បីឱ្យប្រជាពលរដ្ឋបានរស់នៅ ៕
ចែករំលែកព័តមាននេះ