រាជធានីភ្នំពេញ ៖ ទីផ្សារអនឡាញ ជាអ្វីដែលថ្មីសម្រាប់ប្រជាជនកម្ពុជា តែក្នុងនោះប្រជាជនកម្ពុជាមួយចំនួនជាពិសេសអ្នកជំនួញ បានចាប់ផ្ដើមយល់ពីទីផ្សារនេះជាបណ្ដើរៗ ដោយបានប្រើប្រាស់សេវាទីផ្សារអនឡាញ
រាជធានីភ្នំពេញ ៖ ទីផ្សារអនឡាញ ជាអ្វីដែលថ្មីសម្រាប់ប្រជាជនកម្ពុជា តែក្នុងនោះប្រជាជនកម្ពុជាមួយចំនួនជាពិសេសអ្នកជំនួញ បានចាប់ផ្ដើមយល់ពីទីផ្សារនេះជាបណ្ដើរៗ ដោយបានប្រើប្រាស់សេវាទីផ្សារអនឡាញក្នុងការទិញទំនិញនានាពីប្រទេសក្រៅតាមរយៈវេបសាយ ឬហៅថា «អនឡាញ» ។ ការបញ្ជាទិញទំនិញពីប្រទេសក្រៅតាមរយៈអនឡាញ ប្រៀបដូចនឹងការដើរទិញទំនិញនៅក្នុងផ្សារជាក់ស្ដែងដែរ ព្រោះបានឃើញផលិតផលនិងតម្លៃនៅលើផលិតផលនោះ តែការទិញទំនិញតាមអនឡាញ មានលក្ខណៈងាយស្រួលជាងការទិញដោយផ្ទាល់ ដោយមិនចាំបាច់ធ្វើដំណើរទៅផ្ទាល់ត្រូវចំណាយពេលវេលាច្រើន និងថវិកាផងដែរ ។
លោក Terry Lung នាយកប្រតិបត្តិ ក្រុមហ៊ុន Easy Fortune ( Cambodia ) Co.,Ltd ដែលជាក្រុមហ៊ុនបង្កើតវេបសាយផ្សារអនឡាញ KH Mall ចាប់តាំងពីវេបសាយ
www.kh-mall.com បានបង្កើតឡើងនិងបានឱ្យអតិថិជនចាប់ផ្ដើមទិញទំនិញច្រើនប្រភេទពីប្រទេសចិន និងពីវេបសាយល្បីៗនៅចិន អាលីបាបា និង Taobaoមក អតិថិជនដែលភាគច្រើនជាប្រភេទអ្នកជំនួញបានចាប់ផ្ដើមយល់បន្តិចម្ដងៗ និងបានប្រើប្រាស់វេបសាយនេះក្នុងការទិញទំនិញដើម្បីយកមកចែកចាយបន្តនៅក្នុងប្រទេសកម្ពុជា ។
លោកបន្តថា ការទិញទំនិញតាមរយៈវេបសាយ www.kh-mall.comបានសម្រួលច្រើនដល់អតិថិជន ។ ទី១-អតិថិជនមិនចាំបាច់ធ្វើដំណើរទៅកាន់ប្រទេសចិនផ្ទាល់ ទី២-ទំនិញធានាគុណភាពដូចនឹងទំនិញដែលអតិថិជនទៅទិញផ្ទាល់ ការដឹកជញ្ជូនមានតម្លៃសមរម្យ ការបញ្ជាទិញមានរយៈពេលខ្លីដែលអតិថិជនអាចទទួលទំនិញបាន ។
លោកបន្ថែមថា ថ្វីត្បិតតែប្រជាជនកម្ពុជា អត្រាអ្នកទិញទំនិញតាមអនឡាញមិនច្រើនដូចនៅប្រទេសចិន តែការប្រែប្រួលក៏ដូចជាអត្រានៃអ្នកប្រើប្រាស់បណ្ដាញអីុនធើរណេតចាប់ផ្ដើមកើនឡើងជាបន្តបន្ទាប់ ដូចនេះហើយលោករំពឹងថា ទីផ្សារអនឡាញនឹងទទួលបានការគាំទ្រពីសំណាក់អតិថិជននៅក្នុងប្រទេសកម្ពុជាគ្រាន់តែប្រើរយៈពេលយូរបន្តិចដើម្បីឱ្យពួកគាត់យល់ដឹងពីអត្ថប្រយោជន៍នានានៃការទិញទំនិញតាមអនឡាញ។
លោកបញ្ជាក់ថា នៅថ្ងៃអនាគត ទំនិញដែលមាននៅក្នុងវេបសាយនេះ មិនមែនមានតែក្នុងប្រទេសចិននោះទេ តែលោកនឹងបង្កើតឱ្យអតិថិជនអាចទិញទំនិញពីប្រទេសល្បីៗជាច្រើននៅអាស៊ី ក៏ដូចជានៅទូទាំងពិភពលោក។ មិនតែប៉ុណ្ណោះ ទៅថ្ងៃមុខទៀត មិនត្រឹមតែនាំទំនិញចូលមកកម្ពុជានោះទេ លោកនឹងបង្កើតឱ្យអតិថិជននៅបណ្ដាប្រទេសផ្សេងក្រៅពីកម្ពុជា អាចទិញទំនិញដែលផលិតនិងនាំចេញពីប្រទេសកម្ពុជា ។ ធ្វើដូចនេះអតិថិជននៅទូទាំងពិភពលោក កាន់តែមានភាពងាយស្រួលក្នុងការស្វែងរកទំនិញនៃប្រទេសណាដែលអតិថិជនគិតថា ជាទំនិញល្អនិងមានគុណភាពសម្រាប់ខ្លួនផ្ទាល់ ។
អាជីវករម្នាក់ដែលបានចុះឈ្មោះជាសមាជិកទិញទំនិញតាមវេបសាយ www.kh-mall.com បានឱ្យដឹងថា៖«កាលពីដំបូងខ្ញុំមិនសូវជឿលើការទិញទំនិញតាមអនឡាញនេះទេ ខ្លាចក្រែងលុយក៏អស់ទំនិញក៏អត់បាន ហើយក្រោយមកក៏មានការណែនាំពីបុគ្គលិករបស់ក្រុមហ៊ុនលក់ទំនិញតាមអនឡាញក៏មិនសូវជឿដែរ តែខ្ញុំបានប្រថុយចុះឈ្មោះជាសមាជិក និងសាកល្បងទិញតាមអនឡាញក្នុងចំនួនតូចមួយដើម្បីសាកមើល តែក្រោយរយៈពេលតែ១៥ថ្ងៃ ទំនិញដែលកុម្ម៉ង់នោះក៏បានដល់ដៃពិតប្រាកដទៅតាមអ្វីដែលកុម្ម៉ង់មែន ។ ក្រោយៗមកទៀត ខ្ញុំក៏សម្រេចចិត្តប្រើប្រាស់វេបសាយ www.kh-mall.com ធ្វើជាដៃគូនាំចូលទំនិញ ដើម្បីបោះឱ្យម៉ូយលក់រាយនានានៅភ្នំពេញ និងនៅបណ្ដាខេត្ត » ។ អាជីវកររូបនេះបញ្ជាក់៖ «កាលពីមុនខ្ញុំចេញចូលប្រទេសថៃញឹកញាប់ណាស់ ដើម្បីទៅទិញទំនិញនោះមកបោះឱ្យម៉ូយ តែចេញចូលម្ដងៗអស់លុយក៏ច្រើន និងចំណាយពេលច្រើនទៀត តែបន្ទាប់ពីទិញតាមវេបសាយនេះ ធ្វើឱ្យខ្ញុំចំណេញបានមួយចំណែកទៀត »។
គួរបញ្ជាក់ថា អតិថិជនដែលទិញទំនិញតាមវេបសាយ www.kh-mall.com ការបង់លុយមានភាពងាយស្រួល ការដឹកជញ្ជូនប្រកបដោយវិជ្ជាជីវៈនិងជំនាញត្រឹមត្រូវ ទំនិញមកដល់ដៃអតិថិជនតាមកាលកំណត់ ហើយបើទំនិញមិនដូចអ្វីដែលអតិថិជនបញ្ជាទិញអាចប្តូរយកថ្មីវិញបាន ៕
ចែករំលែកព័តមាននេះ