បទពិសោធន៍ដាំដំណាំត្រាវនៅតាមវាលស្រែ
រដូវនេះជារដូវប្រមូលផលស្រូវ ក្រោយពីប្រមូលផលហើយកសិករភាគច្រេើនទុកដីឱ្យនៅទំនេរ ដោយមិនបានទាញយកផលពីដីនេះទៀតឡើយ ។ ដូច្នេះដើម្បីទាញយកផលឱ្យបានច្រើន ខ្ញុំសូមលើកយកបទពិសោធន៍
រដូវនេះជារដូវប្រមូលផលស្រូវ ក្រោយពីប្រមូលផលហើយកសិករភាគច្រេើនទុកដីឱ្យនៅទំនេរ ដោយមិនបានទាញយកផលពីដីនេះទៀតឡើយ ។ ដូច្នេះដើម្បីទាញយកផលឱ្យបានច្រើន ខ្ញុំសូមលើកយកបទពិសោធន៍
រដូវនេះជារដូវប្រមូលផលស្រូវ ក្រោយពីប្រមូលផលហើយកសិករភាគច្រេើនទុកដីឱ្យនៅទំនេរ ដោយមិនបានទាញយកផលពីដីនេះទៀតឡើយ ។ ដូច្នេះដើម្បីទាញយកផលឱ្យបានច្រើន ខ្ញុំសូមលើកយកបទពិសោធន៍របស់កសិករ សូរ ទិត្យ រស់នៅភូមិកាហែង ឃុំកាហែង ស្រុកសំរោងទង ខេត្តកំពង់ស្ពឺ គាត់មានមុខរបរធ្វើស្រែ និងដាំដំណាំ ។ គាត់មានបទពិសោធន៍ដាំដំណាំត្រាវតាំងពីឆ្នាំ១៩៩៦មកម្ល៉េះ ។ បច្ចេកទេសនេះ គាត់បានចេះមកពីអ្នកភូមិផ្សេង ។
១-ការជ្រើសរើសកូនត្រាវដាំ
គាត់ជ្រើសរើសពូជត្រាវស្លាមកដាំ ពីព្រោះវាមានរសជាតិឆ្ងាញ់ ក្លិនឈ្ងុយ និងត្រូវតាមតម្រូវការរបស់ទីផ្សារ ។ ត្រាវដែលល្អម ានលក្ខណៈសម្គាល់ដូចខាងក្រោម ៈ
-មើមត្រាវត្រូវបំបែកយកពីដើមមេដែលមានអាយុពី៦-៧ខែ
-មើមត្រាវមានទំហំប៉ុនមេដៃ ឬមេជើង មានពណ៌ក្រមៅ និងមានប្រវែងពី១-២ថ្នាំងដៃ
ក្រោយពីការជ្រើសរើសពូជត្រាវដាំបានហើយ គាត់ដាក់សំដិលក្រោមផ្ទះ កន្លែងម្លប់កុំឱ្យត្រូវកម្ដៅថ្ងៃនាំឱ្យរលួយ ។ រយៈពេល៣-៥ថ្ងៃ ត្រូវវែកវាម្ដងដើម្បីឱ្យមើមត្រាវស្ងួតបន្តិច ។ ក្រោយពីរក្សាមើមទុកបានរយៈពេល២ខែ អាចយកទៅដាំបាន តែជាទូទៅអ្នកភូមិអាចទុករហូតដល់បានរយៈពេល៣ខែ ។
២-ការរៀបចំថ្នាលបណ្តុះបណ្តាល
ដើម្បីបណ្តុះកូនត្រាវ គាត់បានលើករងដែលមានកម្ពស់១តឹក ទទឹង១ម៉ែត្រ រីឯបណ្តោយទៅតាមស្ថានភាពដី ។ បន្ទាប់មក យកមើមត្រាវទៅត្រាំទឹកចំនួន២យប់ រួចស្រង់យកទៅផ្អាប់ទុករយៈពេល២ថ្ងៃ២យប់ទៀត ។ ក្រោយពីផ្អាប់ឃើញមើមត្រាវដុះពន្លកខ្លះហើយ ទើបគាត់យកមើមនោះទៅកប់ដាំលើថ្នាលដែលបានរៀបចំរួច ។ ការកប់នេះលៃយ៉ាងណាកុំឱ្យលិចពន្លក ដោយទុកចន្លោះពីមើមមួយទៅមួយ១តឹក ។ ចំពោះមើមណាដែលបែកខ្នែង ត្រូវកាត់ខ្នែងខាងក្រោមចេញរួចជ្រលក់ផេះ ដើម្បីការពារសត្វល្អិត និងមេរោគបំផ្លាញ ។ ក្រោយការបណ្តុះបានរយៈពេល១០ថ្ងៃ មើមត្រាវដុះចេញស្លឹកមួយ ពេលនោះគេអាចយកវាទៅដាំបានយា៉ងល្អ ។
៣-ការរៀបចំដីដាំ
មុនដាំ គាត់បានភ្ជួរដីចំនួន២ដង និងរាស់១ដង ។ ភ្ជួរលើកទី១ កប់កាកសំណល់រុក្ខជាតិ រួចហាលចោលរយៈពេល១អាទិត្យ ទើបចាប់ភ្ជួរលើកទី២ និងរាស់ដីឱ្យស្អាតរួចកាប់ចង្អូរដាំ។ គាត់កាប់ចង្អូរដែលមានទំហំពី២-២,៥តឹក ជាជួរ ដោយមានដាក់ខ្សែឱ្យត្រង់ ចម្ងាយពីជួរមួយទៅមួយ (ពីចង្អូរមួយទៅមួយ១ម៉ែត្រ) ។
៤-របៀបដាំ
ជាទូទៅ គាត់ដាំនៅខែចេត្រ (មីនា-មេសា) ដែលជារដូវប្រាំង ។ គាត់យកកូនត្រាវដែលបានបណ្តុះហើយ មានអាយុពី១០ទៅ១៥ថ្ងៃ ទៅដាំនៅក្នុងចង្អូរដែលបានកាប់រួច ដោយទុកចម្ងាយពីគុម្ពមួយទៅមួយ ៥ទៅ៦តឹក ហើយកប់ឱ្យលុបឫសកំណើត ។ បន្ទាប់មក ស្រោចទឹកឱ្យជោក ។
៥-ការថែទាំ
ដើម្បីឱ្យត្រាវដុះលូតលាស់លឿន គាត់បានយកចិត្តទុកដាក់លើការស្រោចទឹក ព្រោះត្រាវជាដំណាំមួយដែលត្រូវការទឹកខ្លាំង ។ នៅរដូវប្រាំងដែលគាត់ដាំ២ទៅ៣ខែដំបូង គាត់ស្រោចទឹក១ថ្ងៃ២ដង ព្រឹក-ល្ងាច ស្រោចរហូតបានរយៈពេល១ខែ ទើបគាត់ចាប់បូមទឹកដាក់ម្តង ធ្វើយ៉ាងណាឱ្យដីមានសំណើមជាប់ជានិច្ច ។ ចំពោះរដូវវស្សាមិនចាំបាច់ធ្វើការស្រោចស្រពទេ ។ ក្រៅពីការស្រោចទឹក នៅមានការជម្រះស្មៅ និងពូនគល់ ។ នៅពេលត្រាវមានអាយុ១ទៅ១ខែកន្លះ គាត់ចាប់ផ្តើមជម្រះស្មៅពូនគល់ ដោយលុបចង្អូររង ។ កន្លះខែបន្ទាប់មកទៀត គាត់បានធ្វើស្មៅ និងពូនគល់លើកជារងខ្ពស់ ដោយមានកម្ពស់ប្រមាណ៧តឹក ការធ្វើដូចនេះដើម្បីឱ្យត្រាវចុះមើមធំល្អ ។ ចំពោះការដាក់ជី គាត់ដាក់នៅចន្លោះគុម្ពគឺនៅពេលធ្វើស្មៅ និងពូនគល់ដោយប្រើជីលាមកសត្វ ។
៦-ការប្រមូលផល
គាត់ចាប់ប្រមូលផលត្រាវនៅខែភទ្របទកំឡុងខែកញ្ញា-តុលា នៅពេលដែលត្រាវមានអាយុពី៥-៦ខែ ។ ចំពោះការលក់គឺមិនពិបាកដឹកជញ្ជូនទៅកាន់ទីផ្សារទេ មានឈ្មួញមកពីភ្នំពេញ ម៉ៅយកតែម្តង ។ ជាទូទៅ គាត់អាចលក់បានក្នុង១គុម្ពពី៨០០រៀលទៅ១០០០រៀល ទៅតាមប្រភេទត្រាវល្អ ឬមិនសូវល្អ ។ ជាក់ស្តែងនៅក្នុងខែតុលា ឆ្នាំ២០០៤ លើផ្ទៃដី៦អារ គាត់លក់បានតម្លៃ៦៨០.០០០រៀល ។
៧-ការសរុបនូវបច្ចេកទេសសំខាន់ៗ
សរុបមកបច្ចេកទេសដាំត្រាវសំខាន់ៗមាន៖
-ជ្រើសរើសពូជត្រាវពីដើមដែលមានអាយុ៦-៧ខែ មើមដែលមានទំហំប៉ុនមេដៃ និងប្រវែង១-២ថ្នាំងដៃ ហើយមើមមានពណ៌ក្រមៅ
-បណ្តុះមើមឱ្យដុះនៅលើថ្នាលរយៈពេល១០ទៅ១៥ថ្ងៃ (កូនត្រាវមានស្លឹក១) អាចដកដាំនៅចម្ការបាន
-កាប់ចង្អូរដែលមានទទឹង២ទៅ២តឹកកន្លះ ដាំជាជួរចម្ងាយពីគុម្ពមួយទៅគុម្ពមួយ៥ទៅ៦តឹក
-នៅពេលដាំដំបូងរយៈពេល១ខែ ស្រោចទឹក១ថ្ងៃ២ដង បន្ទាប់មកបូមទឹកដាក់ចង្អូរឱ្យដីសើមជាប់
-ធ្វើស្មៅពូនគល់២ដង ពូនលើកជារង និងដាក់ជីលាមកសត្វបំប៉ននៅពេលពូនគល់ (ជីបំប៉នដាក់នៅចន្លោះគុម្ពត្រាវ) ៕
ចែករំលែកព័តមាននេះ