ខេត្តបាត់ដំបង ៖ យ៉ាងហោចណាស់ មនុស្ស០៤នាក់បានស្លា.ប់កប់ក្រោមរថយន្តដឹកអង្ករ ដោយសារបើកលឿនចុះពីលើភ្នំព្រឹកហើយជាន់ហ្វ្រាំងមិនស៊ី ទើបបណ្ដាលឲ្យក្រឡាប់ កាលពីវេលាម៉ោង២រសៀលថ្ងៃទី៣០ មីនា នៅលើផ្លូវជាតិលេខ៥៩ ត្រង់ចំណុចភូមិថ្នល់បត់…
ខេត្តបាត់ដំបង ៖ យ៉ាងហោចណាស់ មនុស្ស០៤នាក់បានស្លា.ប់កប់ក្រោមរថយន្តដឹកអង្ករ ដោយសារបើកលឿនចុះពីលើភ្នំព្រឹកហើយជាន់ហ្វ្រាំងមិនស៊ី ទើបបណ្ដាលឲ្យក្រឡាប់ កាលពីវេលាម៉ោង២រសៀលថ្ងៃទី៣០ មីនា នៅលើផ្លូវជាតិលេខ៥៩ ត្រង់ចំណុចភូមិថ្នល់បត់ ឃុំអូររំដួល ស្រុកភ្នំព្រឹក ។
យោងតាមរបាយការណ៍សមត្ថកិច្ចបានឱ្យដឹងថា គេមិនទាន់ស្គាល់អត្តសញ្ញាណជនរងគ្រោះទាំង០៤នាក់នោះទេ តែគេគ្រាន់តែដឹងថា ក្នុងចំណោមជនរងគ្រោះទាំង០៤នាក់ មានម្នាក់ជាតៃកុងនិង០៣នាក់ទៀតរួមដំណើរ។ រថយន្តដែលក្រឡាប់នោះ ម៉ាកហ៊ីយ៉ាន់ដាយ ពណ៌ទឹកប្រាក់ ពាក់ស្លាកលេខ ត្បូងឃ្មុំ 3A 0409 របស់ក្រុមហ៊ុន<<ខេ.K>>។ សមត្ថកិច្ចបានឲ្យដឹងថា រថយន្តនេះដឹងអង្ករឆ្លងកាត់ភ្នំព្រឹក តាមផ្លូវជាតិលេខ៥៩ (ផ្លូវព្រំដែនខ្មែរ.ថៃ) ក្នុងទិសដៅពីជើង ទៅត្បូង។ ប៉ុន្តែពេលដល់ផ្លូវចំណោទចុះពីលើភ្នំព្រឹក គេឃើញអ្នកបើកបរមិនបន្ថយល្បឿនទេ ដែលទំនងអ្នកបើកបរមិនធ្លាប់បើកឆ្លងកាត់ផ្លូវឡើងភ្នំព្រឹក។
សមត្ថកិច្ចបាននិយាយទៀតថា ពេលនោះ រថយន្តចុះកាន់តែលឿន រហូតដល់ក្រោម ដល់ផ្លូវកោង ទំនងតៃកុងជាន់ហ្វ្រាំងមិនស៊ី ឬ ជាន់មិនជាប់ព្រោះល្បឿនលឿនចុះពីលើភ្នំផង ទើបបណ្ដាលឱ្យក្រឡាប់តែម្ដង។ របាយការណ៍បានបញ្ជាក់ថា ជនរងគ្រោះបានស្លា.ប់ដោយត្រូវរថយន្តសង្កត់ជាប់ ។
បើតាមអ្នកភូមិនិយាយថា អ្នកបើកបររថយន្តនោះ ទំនងមិនស្គាល់ពីស្ថានភាពផ្លូវចំណោទឡើងចុះពីលើភ្នំព្រឹក ទើបមិនបន្ថយល្បឿនពេលចុះចំណោត រហូតបង្កគ្រោះថ្នាក់ខ្លួនឯងបែបនេះ។ ទោះយ៉ាងណា សមត្ថកិច្ចកំពុងទំនាក់ទំនងទៅសាច់ញាតិ ដើម្បីមកទទូលយកសាកសពទៅធ្វើបុណ្យហើយ៕ ដោយ៖ ឆោម ពិសម័យ និងមុត សារុន
ចែករំលែកព័តមាននេះ