ការឆ្លងរាលដាលនៃជំងឺ ៖ មេដឹកនាំប្រទេស២៣ និងអង្គការសុខភាពពិភពលោក WHO កាលពីថ្ងៃទី៣០មីនាបានគាំទ្រ គំនិតបង្កើតសន្ធិសញ្ញាអន្តរជាតិមួយ ដែលនឹងជួយពិភពលោកក្នុងការប្រឈមមុខ ចំពោះភាពអាសន្នសុខាភិបាលនាពេលខាងមុខ ដូចជាការឆ្លងរាលដាលនៃវីរុសកូវីដ-១៩…
ការឆ្លងរាលដាលនៃជំងឺ ៖ មេដឹកនាំប្រទេស២៣ និងអង្គការសុខភាពពិភពលោក WHO កាលពីថ្ងៃទី៣០មីនាបានគាំទ្រ គំនិតបង្កើតសន្ធិសញ្ញាអន្តរជាតិមួយ ដែលនឹងជួយពិភពលោកក្នុងការប្រឈមមុខ ចំពោះភាពអាសន្នសុខាភិបាលនាពេលខាងមុខ ដូចជាការឆ្លងរាលដាលនៃវីរុសកូវីដ-១៩ ដែលបច្ចុប្បន្នកំពុងរាតត្បាតលើពិភពលោកទាំងមូល។
គំនិតបង្កើតសន្ធិសញ្ញានេះដែលនឹងធានា ការទទួលបានជាសកលនិងដោយស្មើភាព បណ្ដាវ៉ាក់សាំង ថ្នាំពេទ្យនិងការធ្វើរោគវិនិច្ឆ័យ ក្នុងករណីមានការឆ្លងត្រូវបានលើកឡើងដោយប្រធានមេដឹកនាំសហភាពអឺរ៉ុប លោកCHARLES MICHEL ក្នុងឱកាសនៃកិច្ចប្រជុំកំពូលG20 កាលពីខែវិច្ឆិកាឆ្នាំទៅមិញ។
កាលពីថ្ងៃទី៣០មីនាគំនិតនោះទទួលបានការគាំទ្រជាផ្លូវការ ពីមេដឹកនាំប្រទេសហ្វុីដជី ព័រទុយហ្គាល់ រ៉ូម៉ានី អង់គ្លេស រវ៉ាន់ដា កេនយ៉ា បារាំង អាល្លឺម៉ង់ ក្រិក កូរ៉េ ស៊ីលី កូស្តារីកា អាល់បានី អាហ្វ្រិកខាងត្បូង ត្រីនីដាតនិងតូបាហ្កោ ហូឡង់ ទុយនីស៊ី សេនេហ្គាល់ អេស្ប៉ាញ ន័រវែស ស៊ែរប៊ី ឥណ្ឌូណេស៊ី អ៊ុយក្រែន ព្រមទាំងWHO៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ