ខេត្តបន្ទាយមានជ័យ ៖ គួរឲ្យសង្វេគពេកណាស់ ឪពុកអត់បានដឹងថា កូនអាយុ៣ឆ្នាំកំពុងលេងនៅក្រោមគោយន្តកន្ត្រៃ ពេលបញ្ឆេះចេញដំណើរក៏កិនកូននោះស្លា.ប់ ដែលហេតុការណ៍នេះបានកើតឡើងកាលពីវេលាម៉ោង២រសៀលថ្ងៃទី២៩ មីនា ឆ្នាំ២០២១ ស្ថិត…
ខេត្តបន្ទាយមានជ័យ ៖ គួរឲ្យសង្វេគពេកណាស់ ឪពុកអត់បានដឹងថា កូនអាយុ៣ឆ្នាំកំពុងលេងនៅក្រោមគោយន្តកន្ត្រៃ ពេលបញ្ឆេះចេញដំណើរក៏កិនកូននោះស្លា.ប់ ដែលហេតុការណ៍នេះបានកើតឡើងកាលពីវេលាម៉ោង២រសៀលថ្ងៃទី២៩ មីនា ឆ្នាំ២០២១ ស្ថិត នៅចំណុចចំការគោកវល្លិប្រេង ភូមិគោកសំរោង ឃុំបន្ទាយឆ្មា ស្រុកថ្មពួក ខេត្តបន្ទាយមានជ័យ ។
ក្មេងរងគ្រោះឈ្មោះ វ័ន្ត វ៉ាន់អ៊ី ហៅ សាម៉េន ភេទប្រុស អាយុ៣ឆ្នាំ ជាកូនរបស់ឈ្មោះ លឹម ម៉ុន ភេទប្រុស អាយុ៣៧ឆ្នាំ នឹងប្រពន្ធឈ្មោះសយ សាវង្ស អាយុ ៣៣ឆ្នាំ រស់នៅភូមិទានកាំ ឃុំទានកាំ ស្រុកព្រះនេត្រព្រះ ខេត្តបន្ទាយមានជ័យ មុខរបរជាកសិករ ។ បើតាមការរៀបរាប់ពីឪពុកម្តាយកុមាររងគ្រោះឲ្យដឹងថា មុនកើតហេតុក្រុមគ្រួសារគាត់បានមកស្នាក់នៅ ធ្វើការស៊ីឈ្នួលដកដំឡូងឲ្យគេ នៅចំណុចចំការគោកវល្លិ៍ប្រេងខាងជើង ភូមិគោកសំរោងប្រមាណ១០គីឡូម៉ែត្រ ស្ថិតក្នុងភូមិសាស្ត្រភូមិគោកសំរោង ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ ។
លុះនៅថ្ងៃកើតហេតុខាងលើ ប្តីប្រពន្ធគាត់បាននាំកូនទៅស៊ីឈ្នួលដកមើមដំឡូងឲ្យគេដូចសព្វដង ពេលដកមើមដំឡូងបានហើយ ក៏រៀបចំលើដាក់លើគោយន្តកន្ត្រៃពេញទ្រុង ពេលនោះឈ្មោះ លឹម ម៉ុន ជាឪពុកបានបញ្ឆេះគោយន្តមាន បំណងបើកទៅមុខ ដើម្បីទៅកាប់មើមដំឡូងនៅកន្លែងផ្សេងទៀត ។ ប៉ុន្តែពេលនោះឪពុកអត់បានដឹងថា កូនប្រុសអាយុ៣ឆ្នាំបាន នឹងកំពុងនៅលេងខាងក្រោមទេ ស្រាប់តែកិនកូនប្រុសឈ្មោះ វ័ន្ត វ៉ាន់អ៊ី ហៅសាម៉េន បណ្តាលឲ្យស្លាប់នៅ នឹងកន្លែងតែម្តង ។
ក្រោយពីទទួលបានព័ត៌មាននោះ កម្លាំងជំនាញនគរបាលស្រុកថ្មពួក សហការណ៍ ជាមួយគ្រូពេទ្យ មេភូមិ ក្រុមប្រឹក្សាឃុំ ចុះ
ទៅធ្វើការពិនិត្យសាកសព ដោយបានធ្វើការសន្និដ្ឋានថា កុមារអាយុ៣ឆ្នាំនោះ ពិតជាស្លាប់ដោយសារគោយន្តកិនចំពីលើក្បាលប្រាកដមែន ។ ហើយសាកសពកុមារដែលស្លាប់ដោយសារគោយន្តកន្ត្រៃរបស់ឪពុកបើកកិនស្លាប់នោះ ត្រូវបានសមត្តកិច្ចប្រគល់ឲ្យអាណាព្យាបាល រៀបចំធ្វើបុណ្យនៅផ្ទះរបស់បងប្អូន នៅភូមិគោកសំរោង ឃុំបន្ទាយឆ្មារ តាមប្រពៃណី ៕ ដោយ៖ ឃឹម ប៊ុនណាក់
ចែករំលែកព័តមាននេះ