រាជធានីភ្នំពេញ ៖ ក្រសួងសុខាភិបាល នាល្ងាចថ្ងៃទី២៩ មីនា ២០២១នេះ បានប្រកាសច្រានចោលទាំងស្រុង នូវការផ្សាយប្រឌិត រូបភាពអ្នកចាក់វ៉ាក់សាំង ដែលការពិតមិនមែនជារូបរបស់សពរបស់លោកជំទាវឧកញ៉ា ស៊ុយ សុផាន នោះទេ ។
ក្រសួងសុខាភិបាល អោយបញ្ជាក់ថា សូមអ្នកប្រឌិតរឿងទាំងឡាយមានសីលធម៌ និងគុណធម៌ខ្លះផងបានទេ ? សូមមើលអោយច្បាប់មើល តើរូបភាពចាក់វ៉ាក់សាំងនេះជានរណា ? សូមគោរពសិទ្ធិលោកជំទាវដែលជាម្ចាស់រូបថតចាក់វ៉ាក់សាំងពិតប្រាកដផង បានដែរទេ អស់អ្នកអគតិទាំងឡាយអើយ ល្មមឈប់បោកប្រាស់បែបនេះទៀតទៅ ។ គេរកវ៉ាក់សាំងចាក់មិនបានផង ឥឡូវមានវ៉ាស់សាំងចាក់ហើយ អស់អ្នកអគតិទាំងឡាយដែលមិនចង់ចាក់ទេ ក៏មិនអីដែរ ទុកវ៉ាក់សាំងចាក់ជូនអ្នកដែលគេត្រូវការ ដ៏ច្រើនសន្ធឹកសន្ធាប់ វិញល្អជាង ។
ក្រសួងសុខាភិបាល ក៏បានសំណូមពរដល់អាជ្ញាធរមានសមត្ថកិច្ច ចាក់វិធានការតាមច្បាប់ផង ។
សូមបញ្ជាក់ថា លោកជំទាវឧកញ៉ា ស៊ុយ សុផាន ដែលជាអ្នកជំនួញល្បីមួយរូបនៅកម្ពុជាបានទទួលមរណភាព អាយុ៦២ឆ្នាំ កាលពីយប់ថ្ងៃទី២៨ មីនា ២០២១ ដោយរោគាពាធ ៕
ចែករំលែកព័តមាននេះ