ប្រទេសរុស្ស៊ី ៖ ប្រធានាធិបតីរុស្ស៊ីលោកវ្ល៉ាឌីមៀរ ពូទីន ថ្លែងកាលពីថ្ងៃទី២៨ មីនាថា ប្រទេសលោកនឹងអាចសម្រេចបានប្រព័ន្ធកាពាររាងកាយហៅភាពស៊ាំជាសមូហភាពប្រឆាំងវីរុសកូវីដ-១៩ រហូតដល់ចុងរដូវក្ដៅខាងមុខនេះ ។ តាមទូរទស្សន៍ក្នុងស្រុកមួយលោកពូទីនគូសបញ្ជាក់ថា…
ប្រទេសរុស្ស៊ី ៖ ប្រធានាធិបតីរុស្ស៊ីលោកវ្ល៉ាឌីមៀរ ពូទីន ថ្លែងកាលពីថ្ងៃទី២៨ មីនាថា ប្រទេសលោកនឹងអាចសម្រេចបានប្រព័ន្ធកាពាររាងកាយហៅភាពស៊ាំជាសមូហភាពប្រឆាំងវីរុសកូវីដ-១៩ រហូតដល់ចុងរដូវក្ដៅខាងមុខនេះ ។
តាមទូរទស្សន៍ក្នុងស្រុកមួយលោកពូទីនគូសបញ្ជាក់ថា ប្រសិនបើការចាក់វ៉ាក់សាំងបន្តក្នុងសង្វាក់ដូចបច្ចុប្បន្ន នោះពលរដ្ឋពេញវ័យរបស់យើងប្រមាណជា៧០%នឹងទទួលបានការចាក់វ៉ាក់សាំងនៅរុស្ស៊ីរហូតដល់ដំណាច់រដូវក្ដៅ ដោយឈានទៅទទួលបានប្រព័ន្ធការពាររាងកាយជាសមូហភាព ។
លោកអះអាងថា នាសប្ដាហ៍កន្លងទៅមនុស្សប្រមាណជា៦,៣លាននាក់បានទទួលការចាក់វ៉ាក់សាំងរុស្ស៊ីដូសដំបូងក្នុងប្រទេស និងថាមនុស្ស៤,៣លាននាក់ទទួលការចាក់វ៉ាក់សាំងដូសទី២រួចហើយ តាំងពីចាប់ផ្ដើមយុទ្ធនាការចាក់វ៉ាក់សាំងពីដើមខែធ្នូមក។
លោកពូទីនខ្លួនលោកផ្ទាល់ បានចាក់វ៉ាក់សាំងរុស្ស៊ីមួយរួចហើយ កាលពីថ្ងៃទី២៣ មីនាដែលជាដូសដំបូង តែវិមានក្រឹមឡាំងមិនបានចេញផ្សាយរូបភាពណាមួយនៃការចាក់នោះទេ ។ តាមប្រធានាធិបតីរុស្ស៊ីថា វ៉ាក់សាំង៣របស់រុស្ស៊ីគឺវ៉ាក់សាំងSPOUTNIK V វ៉ាក់សាំង EPIVACCORONA និងវ៉ាក់សាំង COVIVAC សុទ្ធតែមានប្រសិទ្ធភាព និងមានសន្តិសុខរួចពុំមានឥទ្ធិពលបន្ទាប់បន្សំគួរឲ្យបារម្ភឡើយ ៕ ដកស្រង់ចេញពីវេបសាយ ៖ xinhuanet
ចែករំលែកព័តមាននេះ