រាជធានីភ្នំពេញ ៖ លោកឃ្លាំង ហួត អភិបាលខណ្ឌជ្រោយចង្វា និងជាប្រធានកិត្តិយសអនុសាខាកាកបាទក្រហមកម្ពុជា, លោកប្រាក់ ចាន់ណា ប្រធានក្រុមប្រឹក្សាខណ្ឌ និងលោកស្រីកែវ ច័ន្ទស៊ុនណារី ប្រធានគណៈកម្មការអនុសាខាកាកបាទក្រហម បាននាំយកអំណោយរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ចែកជូនប្រជាពលរដ្ឋរងគ្រោះចំនួន៣៩គ្រួសារនៅសង្កាត់កោះដាច់ កាលពីវេលាព្រឹកថ្ងៃទី១៩ កញ្ញា ២០១៥ ដែលពិធីនេះធ្វើឡើងនៅវត្តសាមគ្គីក្បាលកោះ ក្នុងសង្កាត់កោះដាច់ ។
អំណោយដែលត្រូវចែកជូនក្នុង១គ្រួសារទទួលបាន អង្ករ២៥គីឡូក្រាម, មី១, ត្រីខ១០កំប៉ុង, ឃីត(មុខ១,ភួយ១,ក្រមា១, សារុង១) និងថវិកា៩ម៉ឺនរៀលផងដែរ ។
ក្នុងឱកាសនោះ លោកឃ្លាំង ហួត ក៏បានមានប្រសាសន៍ថា នេះគឺជាលើកទី២ហើយ ដែលខណ្ឌជ្រោយចង្វាបាននាំអំណោយរបស់សម្តេចកិត្តិព្រឹទ្ធិបណ្ឌិត ដែលផ្តល់តាមរយៈអនុសាខាកាកបាទក្រហមខណ្ឌ ចែកដល់ប្រជាពលរដ្ឋក្នុងមូលដ្ឋាន ។ ដោយលើកទី១មានចំនួន២០០គ្រួសារ និងលើកទី២ ចំនួន៣០០គ្រួសារ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ