ប្រទេសថៃ ៖ ក្រុមហ៊ុនTesco Lotus បានឲ្យដឹងថា ខ្លួននៅតែជឿជាក់នៅក្នុងកាលានុវត្តភាពនៃកំណើនរបស់ថៃ ហើយក៏នឹងបន្តការពង្រីកប្រតិបត្តិការលក់រាយរបស់ខ្លួននៅទីនេះដដែល ។ ថ្មីៗនេះក្រុមហ៊ុនបានបើកផ្សារធំៗ
ប្រទេសថៃ ៖ ក្រុមហ៊ុនTesco Lotus បានឲ្យដឹងថា ខ្លួននៅតែជឿជាក់នៅក្នុងកាលានុវត្តភាពនៃកំណើនរបស់ថៃ ហើយក៏នឹងបន្តការពង្រីកប្រតិបត្តិការលក់រាយរបស់ខ្លួននៅទីនេះដដែល ។ ថ្មីៗនេះក្រុមហ៊ុនបានបើកផ្សារធំៗនិងហាងលក់ទំនិញ Tesco Express ថ្មីៗជាច្រើនទៀតនៅទូទាំងពិភពលោក ។
ក្រុមហ៊ុនលក់រាយធំបំផុតរបស់អង់គ្លេស Tescoទំនងជារក្សាប្រតិបត្តិការរបស់ខ្លួនដដែលក្នុងប្រទេសថៃ បើទោះជាមានការលក់ទ្រព្យឬបញ្ញើនៅបរទេសធំជាងគេបំផុតរបស់ខ្លួននៅកូរ៉េខាងត្បូងដើម្បីធ្វើឲ្យប្រសើរឡើងនូវតុល្យការដ៏ខ្សត់ខ្សោយរបស់ខ្លួនយ៉ាងណាក្តី ។
ប្រភពពីឧស្សាហកម្មឲ្យដឹងថា ក្នុងចំណោមហេតុផលទាំងនេះ Tescoមិនត្រូវបានគេរំពឹងថា នឹងលក់ចេញប្រតិបត្តិការនៅថៃរបស់ខ្លួនឡើយ Tesco Lotusគឺស្ថិតក្នុងចំណោមប្រតិបត្តិករលក់រាយលំដាប់កំពូលទាំង៣នៅទូទាំងព្រះរាជាណាចក្រថៃ ហើយក៏ជាយីហោលក់រាយដែលគេទទួលស្គាល់ជាងគេបំផុតដែរជាមួយនឹងយីហោ 7-Eleven និង Central ។
ការលក់រាយនៃប្រតិបត្តិការរបស់ Homeplus នៅកូរ៉េខាងត្បូងរបស់Tescoសប្តាហ៍នេះ គឺជាការផាត់ចេញមួយផ្នែកធំជាលើកដំបូងដោយអ្នកគ្រប់គ្រងរបស់ខ្លួនគឺលោក Dave Lewis ដែលមានបំណងចង់កាត់បន្ថយបំណុលនិងធ្វើឲ្យប្រសើរឡើងពីរឿងអាស្រូវពាក់ព័ន្ធនឹងផ្នែកគណនេយ្យនិងការខាតបង់លើផ្សារហ៊ុននៅក្នុងការបញ្ចុះតម្លៃនៅហាងលក់រាយ Aldi និងLidl ។
ប្រភពបានឲ្យដឹងថាទៀតថា « ខ្ញុំមិនយល់ថា ប្រតិបត្តិការនៅថៃនឹងត្រូវបានលក់ចេញនោះឡើយ ស្របពេលដែលវាមានភាពល្អប្រសើរ និងអាចទទួលបានផលចំណេញជាមួយនឹងទីផ្សារមានសក្តានុពល និងមានការរីកដុះដាលជាច្រើន» ។
Tesco Lotus បានលើកឡើងនៅក្នុងសេចក្តីថ្លែងការណ៍មួយថា ខ្លួនមានការជឿជាក់នៅក្នុងកាលានុវត្តភាពនៃកំណើន ក៏ដូចជាការបន្តពង្រីកប្រតិបត្តិការលក់រាយរបស់ខ្លួននៅក្នុងប្រទេសថៃ ។
ម្យ៉ាងថ្មីៗនេះ ក្រុមហ៊ុនបានបើកផ្សារធំៗ និងហាងលក់ទំនិញTesco Express ថ្មីៗនៅទូទាំងពិភពលោកទៀតផង ។
ទីផ្សារលក់រាយថៃមានសក្តានុពលទូលំទូលាយដែលមានការគាំទ្រដោយការពង្រីកសេដ្ឋកិច្ច ពោលគឺវានៅតែមានកម្រិតខ្ពស់ជាងនៅតំបន់អឺរ៉ុបដដែល ដែលជាកំណើននៅក្នុងស្រទាប់អតិថិជនមានចំណូលថ្នាក់កណ្តាលនិងហាងលក់ទំនិញដែលស្តែងចេញនូវឥរិយាបថមួយឆ្លុះបញ្ចាំងពីចំណូលចិត្តទៅទិញទំនិញនៅក្នុងផ្សារទំនើបរបស់អតិថិជន ។
ក្រៅតែពីការបើកហាងនេះ មជ្ឈមណ្ឌលចែកចាយទី២ក្នុងតំបន់របស់ Tesco Lotus ដែលមានតម្លៃទឹកប្រាក់២,៥ពាន់លានបាត និងស្ថិតនៅក្នុងខេត្ត Surat Thani នឹងក្លាយជាទីតាំងប្រតិបត្តិការយ៉ាងពេញលេញនៅចុងខែនេះ ។
មជ្ឈមណ្ឌលចែកចាយនេះបានបង្ហាញនូវទំនុកចិត្តលើTesco នៅក្នុងមូលដ្ឋានគ្រឹះនៃសេដ្ឋកិច្ចរបស់ថៃ ។ ជាងនេះទៅវាត្រូវបានគេថ្លឹងថ្លែងដើម្បីបម្រើឲ្យកំណើនអតិថិជនដែលមានមូលដ្ឋាននៅក្នុងតំបន់ភាគខាងត្បូង ។
ដើមឡើយ នាយកប្រតិបត្តិ Tesco Lotus លោក John Christie បានថ្លែងថា ក្រុមហ៊ុនបានបន្តវិនិយោគក្នុងប្រទេសថៃតាមផែនការគិតចាប់តាំងពីការចាប់ផ្តើមនៅឆ្នាំនេះតាមរយៈការ បើកហាងថ្មីៗក្នុងទីតាំងយុទ្ធសាស្ត្រនៅទូទាំងពិភពលោក ហើយក្រុមហ៊ុនថែមទាំងជួយពង្រឹងដល់សេដ្ឋកិច្ចក្នុងស្រុកទៀតផង ។
ផែនការវិនិយោគឆ្នាំ២០១៥នេះរួមមានការបើកហាងលក់ទំនិញ Tesco Lotus Express ចំនួន៥០ និងផ្សារធំៗចំនួន៥ ។ គួររំលឹកផងដែរថា ក្រុមហ៊ុនបានសម្រេចនូវផែនការពង្រីកការលក់របស់ខ្លួនដោយជោគជ័យតាមទ្រង់ទ្រាយជាប្រភេទហាងលក់ផ្តល់សេវាទាន់ចិត្ត Express Store ។
Tesco Lotus រំពឹងនឹងទទួលបានគុណប្រយោជន៍ពីការកើនឡើងនៃតម្រូវការពីសំណាក់សមាគមសេដ្ឋកិច្ចអាស៊ាន និងពាណិជ្ជកម្មតាមព្រំដែន ជាពិសេសនៅក្នុងតំបន់ដែលស្ថិតនៅក្បែរព្រំដែនឡាវ និងកម្ពុជា ។
លោក Christie បានថ្លែងថា «Tesco Lotus មានជំនឿចិត្តលើគម្រោងរបស់រដ្ឋាភិបាលនឹងជំរុញនូវការចំណាយរបស់អ្នករកចំណូលបានកម្រិតទាបដែលនឹងជួយលើកទឹកចិត្តមិនត្រឹមតែវិស័យលក់រាយប៉ុណ្ណោះទេ ថែមទាំងជួយជំរុញសេដ្ឋកិច្ចទាំងមូលទៀតផង » ។
គួរបញ្ជាក់ថា ក្រុមហ៊ុនយក្សរបស់អង់គ្លេស Tesco Lotus ប្រតិបត្តិការប្រមាណជា១.៤០០ហាងក្នុងនោះមាន១.១០០ហាងជាផ្សារលក់ប្រភេទផ្តល់សេវាទាន់ចិត្ត(Express Stores) ៕
ចែករំលែកព័តមាននេះ