ប្រទេសឥណ្ឌូណេស៊ី ៖ បណ្តាអ្នកផ្តល់កម្ចីត្អូញត្អែរពីកង្វះប្រសិទ្ធភាពវិជ្ជមានតាមរយៈការបន្ធូរឬសម្រាលច្បាប់នៃការបង់ប្រាក់ដល់ដៃសម្រាប់ឥណទានរថយន្ត និងអចលនទ្រព្យនៅក្នុងចំណោមការអូសបន្លាយពេលយូរនៃភាពចុះខ្សោយក្នុងវិស័យឥណទាននៅក្នុងអំឡុងឆមាសទី២ ឆ្នាំ២០១៥នេះ ។
យោងតាម The Jakarta Post ច្បាប់ឥណទានត្រូវបានសម្រួលបន្ធូរកាលពីខែមិថុនាជាមួយនឹងការកែសម្រួលថ្មីនៃអត្រាវាយតម្លៃឥណទានរបស់ធនាគារឥណ្ឌូណេស៊ី(BI) ចំពោះឥណទានអចលនទ្រព្យនិងរថយន្ត ។ នៅក្នុងបទប្បញ្ញត្តិនៃច្បាប់ថ្មីនេះត្រូវបានគេរំពឹងនៅក្នុងការរុញច្រានការលក់លំនៅឋាន ផ្ទះល្វែង ទីតាំងលក់ដូរ រថយន្ត និងម៉ូតូឲ្យមានកម្រិតខ្ពស់ជាងមុន ហើយអតិថិជនក៏ត្រូវបានគេតម្រូវឲ្យបង់ប្រាក់កក់តិចជាងមុនដែរ ។
អគ្គនាយកផ្នែកហិរញ្ញវត្ថុរបស់ធនាគារ Bank Danamon លោក Vera Eve Lim បានប្រាប់កាសែតហ្សាការតាប៉ុស្តិ៍កាលពីពេលថ្មីៗនេះថា « ភាពចុះខ្សោយនៃអំណាចទិញបានការពារការសម្រួលបន្ធូរការវាយតម្លៃឥណទានពីផលប៉ះពាល់មួយចំនួន » ។
លោក Vera សន្មត់ថា ការចុះខ្សោយនៃអំណាចទិញជាការបោះពួយចុះនៅក្នុងតម្លៃធនធានធម្មជាតិ និងរ៉ែលើពិភពលោក ។
ផ្អែកតាមទិន្នន័យពីធនាគារឥណ្ឌូណេស៊ីបង្ហាញថា កំណើនឥណទានក្នុងប្រទេសសេដ្ឋកិច្ចធំជាងគេបំផុតនៅតំបន់អាស៊ីអាគ្នេយ៍បានធ្លាក់ចុះពី១០,៥%ពីមួយឆ្នាំទៅមួយឆ្នាំក្នុងខែមិថុនា មក៩,៤%ក្នុងខែកក្កដា ។
ជាមួយនឹងចំណែកដ៏មានសារសំខាន់នៃពាណិជ្ជកម្មរបស់ខ្លួនធនាគារ បានពាំនាំមកនូវវិភាគទានតាមរយៈគ្រឹះស្ថានផ្តល់សេវាហិរញ្ញវត្ថុសម្រាប់ទិញរថយន្ត Adira Finance ដែលជាអ្នកផ្តល់កម្ចីតាមកិច្ចសន្យា៣%ឬស្មើនឹង៩,៦ពាន់លានដុល្លាររបស់ធនាគារ Danamon គិត ចាប់ពីខែមិថុនាកន្លងមកនេះ ដែលថយចុះពី៩,៨៤លានដុល្លារក្នុងអំឡុងពេលដូចគ្នាកាលពីឆ្នាំទៅ ។
នៅគ្រានោះដែរ អគ្គនាយកធនាគារ Bank Negara Indonesia(BNI) លោកAnggoro Eko Cahyo បានថ្លែងថា ធនាគារនៅតែកំពុងមានក្តីរំពឹងនឹងសម្លឹងឃើញពីកំណើនខ្ពស់ជាងមុននៅក្នុងត្រីមាសទីបួននេះ ។
លោក Anggoro បានបន្តទៀតថា «យើងបាននិងកំពុងផ្តល់នូវអត្រាការប្រាក់កម្រិតថេរសម្រាប់អតិថិជនដែលខ្ចីដោយដាក់របស់បញ្ចាំឬធានាជាមួយនឹងសិទ្ធិកាន់កាប់ទ្រព្យសម្បត្តិរយៈពេល៣ឆ្នាំស្របពេលដែលយើងស្វែងរកការជំរុញពីការសម្រាលឬបន្ធូរការវាយតម្លៃឥណទាន »។
ដោយឡែកលោក Mansyur Nasution អគ្គនាយកធនាគារ Bank Tabungan Negara (BTN)បានថ្លែងថា បើទោះជាមានការសម្រួលបន្ធូរការវាយតម្លៃឥណទានយ៉ាងណាក្តី ក៏ធនាគាររបស់លោកនៅមិនទាន់សម្លឹងឃើញពីការកើនឡើងខ្លះៗនៅក្នុងឥណទានសម្រាប់ទិញលំនៅឋាននោះនៅឡើយដែរក្នុងអំឡុងពេល២ខែមុននេះ ។
បើទោះជាពុំមានការប៉ះទង្គិចលើឥណទានលំនៅឋាននិងរថយន្តក៏ដោយ ក៏សេដ្ឋវិទូរបស់ធនាគារ PermataBank លោក Josua pardede នៅតែមានសុទិដ្ឋិនិយមអំពីរូបមន្តថ្មីនៃការវាយតម្លៃឥណទាន ។
លោក Josua បានថ្លែងថា «កំណើនឥណទានខ្សោយនេះដែរគឺស្ថិតក្នុងខ្សែបន្ទាត់ជាមួយនឹងការចំណាយរបស់រដ្ឋាភិបាលកម្រិតយឺត។ យើងរំពឹងថា នឹងមើលឃើញពីការប្រសើរឡើងខ្លះៗក្នុងឆមាសទី២នេះ ដោយសារតែការអភិវឌ្ឍហេដ្ឋារចនាសម្ព័ន្ធនានាដែលជាកិច្ចការដ៏មានសារសំខាន់សម្រាប់ការចរាចរប្រាក់នៅក្នុងកម្រិងក្នុងតំបន់ »។
ចែករំលែកព័តមាននេះ