រាជធានីភ្នំពេញ ៖ កងកម្លាំងកិច្ចការពិសេស SDU នៃស្នងការនគរបាលរាជធានីភ្នំពេញ ធ្វើការសហការជាមួយនិងកម្លាំងនគរបាលប៉ុស្តិ៍ទន្លេបាសាក់ និងសន្តិសុខកោះពេជ្រ បានចុះធ្វើការចាប់ប្រមូលក្រុមក្មេងស្ទាវប្រុស ស្រី ចំនួន៤៨នាក់យកមកធ្វើការអប់រំណែនាំ…
រាជធានីភ្នំពេញ ៖ កងកម្លាំងកិច្ចការពិសេស SDU នៃស្នងការនគរបាលរាជធានីភ្នំពេញ ធ្វើការសហការជាមួយនិងកម្លាំងនគរបាលប៉ុស្តិ៍ទន្លេបាសាក់ និងសន្តិសុខកោះពេជ្រ បានចុះធ្វើការចាប់ប្រមូលក្រុមក្មេងស្ទាវប្រុស ស្រី ចំនួន៤៨នាក់យកមកធ្វើការអប់រំណែនាំ ខណៈដែលពួកគេនាំគ្នាមកពពាក់ពពូនគ្នា ដោយមិនមានពាក់ម៉ាស និងគម្លាតសុវត្ថិភាពសង្គមទៅតាមការណែនាំរបស់រាជរដ្ឋាភិបាល ដើម្បីបង្ការការពារជំងឺកូវីដ១៩នោះ។
ប្រតិបត្តិការខាងលើនេះដែរបានធ្វើឡើងកាលពីវេលាម៉ោង១០និង១៥នាទីយប់ថ្ងៃទី២៧ ខែ មីនា ឆ្នាំ ២០២១ នៅក្នុងទីក្រុងកោះពេជ្រ ក្នុងសង្កាត់ទន្លេបាសាក់ ខណ្ឌចំការមន រាជរាជធានីភ្នំពេញុ។
តាមប្រភពព័ត៌មានបានប្រាប់ឱ្យដឹងថា ដោយយោងតាមប្រសាសន៍ណែនាំរបស់លោកឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានដាក់បទបញ្ជាដល់កងកម្លាំងកិច្ចការពិសេស SDU នៃស្នងការដ្ឋាននគរបាលរាជធានីភ្នំពេញ ដឹកនាំដោយលោកវរសេនីយ៍ទោ អ៊ុន ប៊ុនធីម នាយរងការិយាល័យអន្តរាគមន៍ និងតម្រួតបទបញ្ជា នៃស្នងការដ្ឋាននគរបាលរាជធានីភ្នំពេញ ដើម្បីចុះល្បាតការពារសន្តិសុខ សណ្តាប់ធ្នាប់ក្នុងភូមិសាស្ត្រខណ្ឌចំនួន៥ គឺខណ្ឌដូនពេញ ខណ្ឌចំការមន ខណ្ឌបឹងកេងកង ខណ្ឌមានជ័យ និងខណ្ឌពោធិ៍សែនជ័យ ។
ជាក់ស្តែង កម្លាំងកិច្ចការពិសេស SDU បានសហការជាមួយកម្លាំងនគរបាលខណ្ឌចំការមន និងសន្តិសុខយាមនៅកោះពេជ្របានធ្វើការចុះល្បាតប្រទះឃើញ ក្មេងទំនើងមួយក្រុមកំពុងប្រមូលផ្តុំគ្នាជាបក្ខពួកវា.យតប់គ្នាបង្កភាពអនាធិបតេយ្យនៅខាងក្រោយសាលាក្រុងសួនកោះពេជ្រ ។ ភ្លាមៗនោះដែរ កម្លាំងបានចុះធ្វើការពួនស្ទាក់ឃាត់ខ្លួនក្រុមក្មេងទំនើងទាំងនោះបានចំនួន៤៨នាក់ ដោយសហការជាមួយអធិការនគរបាលខណ្ឌ ដើម្បីឆែកឆេរលើខ្លួនពួកគេ និងធ្វើការអប់រំណែនាំ កុំអោយមានដូចពេលទៀត និងប្រសិនបើមានលើកក្រោយទៀតនិងចាត់ការទៅតាមវិន័យរដ្ឋបាលជាមិនខាន។
ក្រោយពីកម្លាំងមានសមត្ថកិច្ចធ្វើការចាប់ប្រមូលឃាត់ខ្លួនក្រុមក្មេងស្ទាវប្រុស ស្រីទាំង៤៨នាក់ ដែលមកប្រមូលផ្តុំពពាក់ពពូនគ្នាមិនគិតពីការឆ្លងរីករាលដាលជំងឺកូវីដ១៩ ធ្វើការអប់រំណែនាំរួចហើយទើបអនុញ្ញាតិអោយពួកគេវិលត្រឡប់ទៅផ្ទះវិញ៕
ចែករំលែកព័តមាននេះ