រាជធានីភ្នំពេញ ៖ កាលពីព្រឹកថ្ងៃទី១៨ កញ្ញា នេះ ព្រះតេជគុណសុវណ្ណជាតិ ខឹម សម្បត្តិ ប្រធានសហគមន៍មូលនិធិនគរកាយវត្តព្រះពុទ្ធសាសនាកម្ពុជា បាននាំយកអំណោយទៅផ្តល់ដល់សាលាសង្កាត់ទួលសង្កែ នៅវត្តញាណរង្សី ។
ក្នុងពិធីប្រគល់អំណោយខាងលើនេះ មានការអញ្ជើញចូលរួមទទួលពីលោក សយ កុសល ចៅសង្កាត់ទួលសង្កែ ព្រមទាំងមន្ត្រីសាលាសង្កាត់ជាច្រើនរូបទៀត ។
អំណោយទាំងអស់ រួមមាន អង្ករ១តោន មី១០កេស ទឹកត្រី១០យួរ ទឹកស៊ីអ៊ីវ១០យួរ ទឹកដោះគោ២០កំប៉ុង ស្ករស៣០គីឡូក្រាម ទឹកក្រូច៥កេស ត្រីខកំប៉ុង១០យួរ តែ២០០កញ្ចប់ ទឹកបរិសុទ្ធ១០កេស និងសម្ភារទុកសម្រាប់ប្រើប្រាស់២សម្រាប់ ព្រមទាំងប្រាក់ចំនួន៤លានរៀល ។
ក្នុងឱកាសនេះដែរ លោកចៅសង្កាត់ទួលសង្កែ សូមថ្លែងអំណរគុណដល់ ព្រះតេជគុណសុវណ្ណជាតិ ខឹម សម្បត្តិ ប្រធានសហគមន៍មូលនិធិនគរកាយវត្តព្រះពុទ្ធសាសនាកម្ពុជា ដែលកន្លងមក ព្រះតេជគុណសុវណ្ណជាតិតែងតែជួយដល់សាលាសង្កាត់ជាបន្តបន្តាប់ និងជួយដល់ជនរងគ្រោះនានានៅតាមមូលដ្ឋាន និងអ្នកមានជំងឺជួយជាប្រចាំ ហើយលោកចៅសង្កាត់ សូមសន្យានឹងយកអំណោយទាំងអស់នេះទៅជួយដល់មូលដ្ឋានដោយផ្ទាល់ដៃ ៕
ព័ត៌មានលម្អិតមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ