ADផ្ទាំងផ្សព្វផ្សាយពាណិជ្ជកម្ម

Picture

អតីតអ្នកសម្តែង​ជួបរឿងអកុសលខ្ទេចអស់ទាំងផ្ទះ និង​ឡាន រលាកទាំង​កូន​(វីដេអូ)

4 ខែ មុន
  • Phnom Penh

​រាជធានីភ្នំពេញ​ ៖ ផ្ទះ​ឈើ​១​ខ្នង​ត្រូវ​បាន​​អគ្គិភ័យ​ឆាបឆេះ​អស់ទាំង​ស្រុង​ដោយ​ពុំ​ទាន់​ដឹង​ពី​មូលហេតុ​ច្បាស់លាស់​នៅឡើយ​ទេ តែ​គេដាក់ការ​សង្ស័យថា ​បណ្ដាល​មក​ពី​ភ្លើង​ធូប​ដែល​ម្ចាស់​ដុត​សែន​ថ្ងៃសីល ហើយ​ទ្រព្យសម្បត្តិ​ទាំងអស់​នៅ​ក្នុងផ្ទះ​នេះ​ត្រូវ​ភ្លើងឆេះ​​បំផ្លាញ​ទាំងស្រុង ចំណែកឯ​កូនស្រី​ម្ចាស់ផ្ទះ​ម្នាក់​បាន​រង​របួស​មុខ​ និង​ខ្លួនប្រាណ​យ៉ាងដំណំ​ដោយសារ​តែ​រលាកភ្លើង​។ ហេតុការណ៍​​ខាងលើ​នេះ​បាន​កើតឡើង​កាលពី​វេលា​ម៉ោង​១១​ព្រឹក​ថ្ងៃ​ទី​២៨ ខែ​មនា…

​រាជធានីភ្នំពេញ​ ៖ ផ្ទះ​ឈើ​១​ខ្នង​ត្រូវ​បាន​​អគ្គិភ័យ​ឆាបឆេះ​អស់ទាំង​ស្រុង​ដោយ​ពុំ​ទាន់​ដឹង​ពី​មូលហេតុ​ច្បាស់លាស់​នៅឡើយ​ទេ តែ​គេដាក់ការ​សង្ស័យថា ​បណ្ដាល​មក​ពី​ភ្លើង​ធូប​ដែល​ម្ចាស់​ដុត​សែន​ថ្ងៃសីល ហើយ​ទ្រព្យសម្បត្តិ​ទាំងអស់​នៅ​ក្នុងផ្ទះ​នេះ​ត្រូវ​ភ្លើងឆេះ​​បំផ្លាញ​ទាំងស្រុង ចំណែកឯ​កូនស្រី​ម្ចាស់ផ្ទះ​ម្នាក់​បាន​រង​របួស​មុខ​ និង​ខ្លួនប្រាណ​យ៉ាងដំណំ​ដោយសារ​តែ​រលាកភ្លើង​។

ហេតុការណ៍​​ខាងលើ​នេះ​បាន​កើតឡើង​កាលពី​វេលា​ម៉ោង​១១​ព្រឹក​ថ្ងៃ​ទី​២៨ ខែ​មនា ឆ្នាំ​២០២១ នៅ​ក្នុងភូមិ​ស្នោរ​ខាងលិច សង្កាត់​ស្នោរ ខណ្ឌ​កំ​បូល រាជធានី​ភ្នំពេញ​។

អ្នក​ភូមិ​បាន​និយាយ​ថា ផ្ទះ​ដែល​ត្រូវ​ភ្លើង​ឆាបឆេះ​​ខាងលើ​នោះ​មាន​ទំហំ​ប្រមាណ​៦​ម៉ែត្រ​គុណ​នឹង​៧​ម៉ែត្រ​ សង់​អំ​ពី​ឈើ ប្រក់​ក្បឿង ​មាន​ម្ចាស់​ឈ្មោះ សៀង ណ​ម អាយុ​ជាង​៦០​ឆ្នាំ និង​ប្រពន្ធ​ឈ្មោះ​ខឹ​ម ផេ​ន អាយុ​ជាង​៦០​ឆ្នាំ​ដូច​គ្នា ហើយ​ពួក​គាត់​កាលពីមុន​រស់នៅ​រមណីយដ្ឋាន​ភ្នំ​ប្រសិទ្ធ និង​ធ្លាប់​សម្ដែង​ខ្សែ​​ភាពយន្ត​ក្នុង​រឿង «​មារ​យើង​»​ជាមួយ​លោក​ទេព​ រិ​ន​ដា​រ៉ូ​ និង​អ្នកស្រី​ស្វែង សុជាតា ផង​ដែរ​ ។ ​ពួក​គាត់​ទាំង​២​នាក់​បាន​សម្ដែង​ជា​តួ​អ្នក​ជិតខាង ហើយ​ចុង​ក្រោយ​នេះ​គាត់​បាន​ផ្លាស់​មក​រស់នៅ​ក្នុងភូមិ​កើតហេតុ​ដែល​ជា​ទឹកដី​កំណើត​របស់​គាត់​វិញ​ក៏​ជួប​រឿង​អកុសល​បែប​នេះ​។

តាម​ប្រភព​ដដែល​បាន​បន្ត​ទៀត​ថា នៅ​មុន​ពេល​កើតហេតុ​ ម្ចាស់ផ្ទះ​ពុំ​បាន​នៅផ្ទះ​ទេ ដោយ​ពួក​គាត់​ទាំង​២​នាក់​ជាប់រវល់​ទៅ​នៅផ្ទះ​មួយទៀត ដោយ​ទុក​ឲ្យ​កូនស្រី​ម្នាក់​ឈ្មោះ​សំណាង និង​ចៅ​ៗ​មួយ​ចំនួន​នៅផ្ទះ​ប៉ុណ្ណោះ ហើយ​នៅផ្ទះ​គាត់​មាន​កន្លែង​ត្រូវ​អុជ​ធូប​សែន​ច្រើន​កន្លែង​ទៀត​ផង ​។ ​ខណៈនោះ​កូនស្រី​បាន​ជាប់រវល់​ទៅ​ស្រោច​ទឹក​បន្លែ​នៅ​ខាងក្រោយ​ផ្ទះ ក្រោយមក​ស្រាប់តែ​មាន​ភ្លើង​ឆាបឆេះ​ផ្ទះ ហើយ​កូនស្រី​គាត់​ក៏​ពុំ​បានដឹង​ដែរ រហូត​អ្នក​ភូមិ​ឃើញ​ស្រែក​ឆោឡោ​ទើប​កូនស្រី​គាត់​ដឹង​និង​រត់ឡើង​ទៅ​យក​របស់របរ​លើ​ផ្ទះ​ទើបត្រូវ​រលាកភ្លើង​រង​របួស​យ៉ាងដំណំ​តែ​ម្ដង​។

តាម​ប្រភព​មួយ​នេះ​បាន​ប្រាប់​ឲ្យ​ដឹង​បន្ត​ទៀត​ថា នៅ​ពេលហេតុការណ៍​បែប​នេះកើតឡើង​ លោក​មេ​ភូមិ​បាន​សុំ​អន្តរាគមន៍​ពី​សំណាក់​រថយន្ត​ពន្លត់​អគ្គិភ័យ ប៉ុន្តែ​ដោយសារ​តែ​រថយន្ត​ពន្លត់​អគ្គិភ័យ​នៅ​ឆ្ងាយ ទើប​ក្រុម​រថយន្ត​ដឹក​ទឹក​លក់​នៅ​ក្នុងភូមិ​បាន​ទៅ​ជួយ​បាញ់​ពន្លត់​ជា​ច្រើន​គ្រឿង ។ ​ខណៈនោះ​ភ្លើង​ពុំ​បាន​រលត់​ទាំងស្រុង​នោះ​ទេ រហូត​មាន​រថយន្ត​ពន្លត់​អគ្គិភ័យ​របស់​បុរី​២​គ្រឿងចេញ​ទៅ​ជួយ​អន្តរាគមន៍ ទើប​ភ្លើង​រលត់​ទាំងស្រុង ប៉ុន្តែ​ផ្ទះ​រួម​ជាមួយ​ទ្រព្យសម្បត្តិ ប្លង់​ដី​ជាដើម ព្រមទាំង​រថយន្ត​ម៉ាក​កាម​រី​១​គ្រឿង​ផង​ត្រូវ​ភ្លើង​ឆេះ​បំផ្លាញ​អស់​ទាំងស្រុង​៕​

Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture