អគ្គលេខាធិការរដ្ឋាភិបាលជប៉ុន លោកយូគីអូ អឺដាណូ ថ្លែងកាលពីថ្ងៃទី៩ មីនា ថារដ្ឋលេខាធិការក្រសួងការបរទេសជប៉ុន លោកតាកឺអាគី ម៉ាតស៊ូម៉ូតូ ត្រូវបានតែងតាំងជារដ្ឋមន្ត្រីការបរទេសជំនួសលោកសឺអ៊ីជី ម៉ាអឺហារ៉ា ដែលសុំលាលែងកាលពីថ្ងៃទី៦ មីនា កន្លងមកនេះក្រោយពីមានរឿងទទួលអំណោយខុសច្បាប់មួយមក។
ពិធីចូលកាន់តំណែងរបស់រដ្ឋមន្ត្រីថ្មីរូបនេះបានប្រព្រឹត្តទៅនាវេលាម៉ោង៦ ម៉ោងក្នុងស្រុកថ្ងៃទី៩ មីនា ក្នុងព្រះបរមរាជវាំង។ យោងតាមម៉ាសីុនឃោសនាក្នុងស្រុកថា លោកតាកឺអាគី ម៉ាតស៊ូម៉ូតូ បានព្រមទទួលយកសំណើរបស់នាយករដ្ឋមន្ត្រីលោកកានឱ្យលោកធ្វើរដ្ឋមន្ត្រីការប្រទេសចាប់ពីយប់ថ្ងៃទី៨ មីនា មក។
រដ្ឋមន្ត្រីការបរទេសថ្មីរូបនេះជាអតីតធនាគារិក និងមានប្រភពពីគ្រួសារអតីតនាយករដ្ឋមន្ត្រីជប៉ុន លោកហ៊ីរីហ្វូមី អ៊ីតូ ដោយរហូតមកទល់ពេលនេះលោកជាសមាជិកសភា៤អាណត្តិហើយ ៕
ចែករំលែកព័តមាននេះ