ខេត្តព្រះសីហនុ៖ ការត្រួតពិនិត្យបិទផ្អាកមនុស្សចេញ-ចូលក្នុងខេត្តព្រះសីហនុតាមផ្លូវជាតិលេខ៣និងផ្លូវជាតិលេខ៤ កាន់តែរឹតបន្តឹង ស្របពេលដែលមានអ្នកស្លា.ប់.ដោយជំងឺកូវីដ១៩នៅរាជធានីភ្នំពេញជាបន្តបន្ទាប់ ហើយអ្នកឆ្លងជំងឺនេះ តាមបណ្តាខេត្តមួយចំនួនក៏នៅមាន ។
តាមមន្ត្រីរដ្ឋបាលខេត្តព្រះសីហនុបានឲ្យដឹងថា រហូតមកដល់ព្រឹកថ្ងៃ២៦ មីនា ២០២១ នេះ សកម្មភាពត្រួតពិនិត្យតាមផ្លូវ នៅធ្វើបន្តជាមួយនឹងការពង្រឹងហ្មត់ចត់ និងសកម្មភាពនេះនឹងធ្វើបន្តរហូតដល់ទប់ស្កាត់បានជំងឺកូវីដ១៩នេះបាន ។
សូមបញ្ជាក់ថា ក្រសួងសុខាភិបាលបានបញ្ជាក់កាលពីថ្ងៃទី២៥ មីនា ឆ្នាំ២០២១ថា បានរកឃើញអ្នកឆ្លងជំងឺកូវីដ១៩ថ្មីបន្ថែមចំនួន៥៥នាក់ និងបានព្យាបាលជាសះស្បើយចំនួន២៣នាក់ ។ ក្រសួងបានឲ្យដឹងថា រកឃើញករណីឆ្លងថ្មីចំនួន៥៥នាក់ ភាគច្រើនស្ថិតក្នុងភ្នំពេញ នឹងខេត្តកណ្តាល ធ្វើឲ្យអ្នកឆ្លងពីព្រឹត្តិការណ៍សហគមន៍២០ កុម្ភៈ សរុបកើនដល់ ១៣៤៨នាក់ ។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ