រាជធានីភ្នំពេញ ៖ នៅព្រឹកនេះ មានអ្នកវិជ្ជមានវីរុសកូវីដ១៩ ចំនួន៤នាក់ ក្នុងនោះក៏មានកុមារចំនួន២ផងដែរ ត្រូវបានក្រុមគ្រូពេទ្យមកទៅព្យាបាល កាលពីវេលាម៉ោង0៩ព្រឹក ថ្ងៃទី២៣ ខែមីនា ឆ្នាំ២០២១ ក្រោមការបញ្ជាផ្ទាល់ពីលោក សុខ ពេញវុធ អភិបាលនៃគណៈអភិបាលខណ្ឌដូនពេញ។
លោក ម៉ុក ច័ន្ទករុណា អភិបាលរង បានដឹកនាំគណៈបញ្ជាការឯកភាពរដ្ឋបាលខណ្ឌដូនពេញ សម្របសម្រួលជូនក្រុមគ្រូពេទ្យ ខាងមន្ទីរពេទ្យក្រុង ចុះយកអ្នកសង្ស័យដែលមានកូវីដ១៩ ចំនួន០៤នាក់ ក្នុងនោះមានជាស្ត្រីចំនួន០២នាក់ និងកុមារដែលមានអាយុទើបតែ២ឆ្នាំម្នាក់ និងអាយុ៨ឆ្នាំម្នាក់ផងដែរ ដែលពាក់ព័ន្ធនឹងព្រឹត្តិការណ៍២០កុម្ភៈ ស្ថិតនៅផ្ទះលេខ៩៤E៤ មហាវិថីព្រះមុនីវង្ស ក្នុងសង្កាត់ផ្សារថ្មីទី២ ខណ្ឌដូនពេញ ដើម្បីនាំយកទៅធ្វើការព្យាបាលមន្ទីរសម្ភពក្រុង ៕
ចែករំលែកព័តមាននេះ