ខេត្តកំពង់ចាម ៖ ដោយមានទឹកចិត្តជ្រះថ្លាក្នុងវិស័យព្រះពុទ្ធសាសនា លោក ថៃ វណ្ណស៊ី អភិបាលស្រុកជើងព្រៃ និងសហការីបានយកស៊ីម៉ង់ត៍ចំនួន១០តោន, ចានស្រាក់, ទេយ្យទាន រួមនិងបច្ច័យជិត១០លានរៀល ទៅប្រគេនព្រះចៅអធិការវត្តបុទុម្ព ហៅវត្តសៀមបោយ កាលពីព្រឹកថ្ងៃទី១៣ កញ្ញា ២០១៥ ស្ថិតនៅភូមិសៀមបោយ ឃុំព្រៃចារ ស្រុកជើងព្រៃ សំរាប់កសាងសាលាឆាន់។
លោកវរសេនីយ៍ឯក ម៉ុន មាគ៌ា ស្នងការរងនគរបាលខេត្តត្បូងឃ្មុំបានឱ្យដឹងថា ទោះបីជារូបលោកបានទៅបំរើការងារឆ្ងាយពីស្រុកកំណើត ស្ថិតនៅទឹកដីត្រើយខាងកើតទន្លេមេគង្គយ៉ាងណាក្តី ក៏រូបតែងតែនឹកគិតដល់ទីកន្លែង ដែលបានផ្តល់កំណើតកាលពីកុមារភាព និងបានរៀនសូត្ររហូតបានទទួលបានចំណេះដឹង ហើយថែមទាំងស្រឡាញ់ព្រះពុទ្ធសាសនាថែមទៀត ។
លោកបន្តទៀតថា នៅវត្តសៀមបោយ បានកសាងសាលាឆាន់បានប្រហែលជា៦០ភាគរយ ដោយមើលឃើញមានការខ្វះខាតនោះ ទើបរូបលោកចលនាសប្បុរសជននៅខេត្តត្បូងឃ្មុំ និងស្រុកជើងព្រៃ ខេត្តកំពង់ចាម បានបច្ច័យចំនួនជិត១០លានរៀល ស៊ីម៉ង់ត៍១០តោន ព្រមទាំងចានស្រាក់ចំនួន៥០ មកប្រគេនជូនដល់ព្រះចៅអធិការវត្ត ដើម្បីរួមចំណែកក្នុងវិស័យព្រះពុទ្ធសាសនាឱ្យកាន់តែមានជំនឿរឹងមាំ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ