ខេត្តព្រះសីហនុ ៖ កាសែតកោះសន្តិភាពបានចេញផ្សាយមួយឈុតកន្លងមកថ្មីៗកន្លងមកនេះ ក្រោមចំណងជើងថា អ្នកណាថ្លើមពាសមេឃចាក់ដីលុបសមុទ្រទៀតហើយ ។ ជុំវិញព័ត៌មានដ៏រសើបនេះ រដ្ឋបាលស្រុកស្ទឹងហាវ ខេត្តព្រះសីហនុ បានបង្ហើបឲ្យដឹងនៅព្រឹកថ្ងៃទី២២ មីនា នេះថា អត្តសញ្ញាណជនទុច្ចរិតខិលខូច និងអ្នកពាក់ព័ន្ធ ថ្លមធំហ៊ានផ្សំគំនិតក្នុងការចាក់ដីនិងថ្មរំលោភយកឆ្នេរសមុទ្រ តាមបណ្តោយតិរវិថីសម្តេច ហ៊ុន សែន ត្រង់ចំណុចទល់មុខឃ្លាំងស្តុកប្រេងឥន្ធនៈ នៅតែស្ថិតក្នុងវាំងននខ្មៅភាពអាថ៌កំបាំងដដែល ។
ប្រភពខាងលើបានបន្តឲ្យដឹងទៀតថា ពេលនេះ រដ្ឋបាលស្រុកស្ទឹងហាវដែលដឹកនាំដោយលោក អ៊ុង ឆាលី អភិបាលរងស្រុក បានបន្តដឹកនាំកម្លាំងចម្រុះ ការិយាល័យជំនាញពាក់ព័ន្ធនៃគណៈបញ្ជាការឯកភាពស្រុក ដោយមានកិច្ចសហការជាមួយក្រុមហ៊ុនស្ថាបនាផ្លូវ បានយកគ្រឿងចក្រនិងរថយន្តមកបន្តកាយដី និងថ្មដឹកជញ្ជូនយកចេញពីឆ្នេរសមុទ្រដែលរងការរំលោភពីក្រុមជនទុច្ចរិតនាពេលកន្លងមក ដើម្បីរក្សាស្ថានភាពឆ្នេរពីធម្មជាតិឡើងវិញ។
មន្ត្រីមកពីការិយាល័យជំនាញពាក់ពន្ធ័ ចំណុះរដ្ឋបាលស្រុកស្ទឹងហាវ ខេត្តព្រះសីហនុ សុំមិនបង្ហាញអត្តសញ្ញាណបានបង្ហើបឲ្យដឹងថា រហូតមកដល់ពេលវេលាខាងលើនេះ អ្នកផ្សំគំនិតនិងជនខិលខូចដែលលួចធ្វើសកម្មភាពនៅពេលយប់ដឹកដីនិងថ្មយកមកចាក់លុបចូលទៅក្នុងឆ្នេរសមុទ្រ ដែលមានទីតាំងនៅចំណុចខាងលើនេះ កំពុងតែស្ថិតក្នុងភាពងងឹតនៅខាងក្រោយវ៉ាំងននខ្មៅដដែលបើទោះជារដ្ឋបាលស្រុកបានចេញលិខិតជូនដំណឹង(ស.ជ.ណ )ឲ្យចេញមុខមកទទួលខុសត្រូវអំពីសកម្មភាពដែលបានប្រព្រឹត្តផ្ទុយនិងផ្លូវច្បាប់ ។
ប្រភពខាងលើបានបន្តឲ្យដឹងទៀតថា មកទល់ពេលវេលាខាងលើ រដ្ឋបាលស្រុកស្ទឹងហាវ ដោយមានការចូលរួមសហការពីក្រុមហ៊ុនស្ថាបនាផ្លូវតិរៈវិថីសម្តេចហ៊ុនសែន បានបន្តកាយយកដីនិងថ្មចេញពីក្នុងឆ្នេរសមុទ្រដោយប្រើប្រាស់អេស្ការវ៉ាទរ័មួយគ្រឿងនិងរថយន្តចំនួន០៣គ្រឿងដើម្បីកាយនិងដឹកជញ្ជូនចេញពីឆ្នេរសមុទ្រវិញ ដែលមានបណ្តោយតាមឆ្នេរប្រវែង១២០ម៉ែត្រ និងទទឹងចូលសមុទ្រជាង៥០ម៉ែត្រ ។
នៅក្នុងបណ្តាញព័ត៏មានសង្គមប្រជាពលរដ្ឋនិងអង្គការសង្គមស៊ីវិលបានធ្វើការរិះគន់ទៅអាជ្ញាធរមូលដ្ឋានគ្រប់លំដាប់ថ្នាក់ថា មិនហ៊ានបើកវ៉ាំងននខ្មៅដើម្បីបង្ហាញអត្តសញ្ញាណអ្នកផ្សំគំនិតនិងជនខិលខូចនៅក្នុងដែនសមត្ថកិច្ចដែលគ្រប់គ្រងដោយអាជ្ញាធរដោយសារខ្លាចជាប់ពាក់ពន្ធ័ទើបឆ្លើយថាមិនដឹង ព្រោះសង្ស័យជាមនុស្សមិនធម្មតា បើហ៊ានថា ស្គាល់ខ្លាចវ័ន.កទេ
ដឹង ?
មួយវិញទៀតសកម្មភាពដឹកនាំចុះមកកាយដីចំណុចទីតាំងខាងលើមិនដឹងថាតើត្រូវប្រើប្រាស់ពេលវេលាប៉ុន្មានខែទើបហើយទេបើម្ចាស់គ្រឿងចក្រម៉ោង០៩-១០ទើបមកដល់ មួយព្រឹកកាយបានតែពីរទៅបីឡានក៍ដល់ម៉ោងសម្រាក វាខុសពីជនខិលខូចលួចចាក់តែមួយយប់លប់ឆ្នេរបានរាប់រយម៉ែត្រ។ គួររំលឹកឲ្យដឹងឡើងវិញដែរថាសកម្មភាពជនខិលខូចលួចធ្វើសកម្មភាពចាក់ដីនិងថ្មរំលោភយកឆ្នេរសមុទ្របានកើតឡើងកាលពីថ្ងៃទី១៣-១៤ ខែមិនា ឆ្នាំ២០២១នៅចំណុចទល់មុខឃ្លាំងស្តុកប្រេងឥន្ទនៈកម្ពុជាតេលាតាមបណ្តោយតិរៈវិថីសម្តេចហ៊ុន សែនស្ថិតក្នុងភូមិ០៤ ឃុំអូរត្រេះ ស្រុកស្ទឹងហាវ ខេត្តព្រះសីហនុ។
ចែករំលែកព័តមាននេះ