យោងតាមប្រភពព័ត៌មានមួយថា ការវាយប្រហារដោយយន្តហោះគ្មានមនុស្សបើកដែលគេសង្ស័យថា ជារបស់អាេមរិក បណ្តាលឱ្យស្លាប់មនុស្ស៣៨នាក់ កាលពីថ្ងៃទី១៧ មីនា កន្លងមក ក្រោយពីបើកការវាយប្រហារប្រឆាំងកិច្ចប្រជុំJIRGA មួយនៅតំបន់កុលសម្ព័ន្ធភ្នំដាច់ស្រយាលមួយរបស់ប្រទេសប៉ាគីស្ថាន ។ មន្ត្រីចារកម្ម២នាក់និយាយថា ការវាយប្រហារដោយយន្តហោះគ្មានមនុស្សបើកនោះគឺការបាញ់មីស៊ីល២គ្រាប់លើកិច្ចប្រជុំ Jirga នៅតំបន់ Data Khel នៃសង្កាត់វ៉ាហ្ស៊ីរីស្ថានខាងជើង ជាតំបន់អស្ថិរភាពមួយរបស់ប្រទេសប៉ាគីស្ថានស្ថិតនៅជាប់ព្រំដែនប្រទេសអាហ្វហ្គានីស្ថាន។
មន្ត្រីមួយរូបនិយាយថា មនុស្ស៣៨នាក់បានស្លាប់ក្នុងការវាយប្រហារនេះ ចំណែកមន្ត្រីម្នាក់ទៀតនិយាយថា មានមនុស្សស្លាប់តែ២៤នាក់ប៉ុណ្ណោះ ។
ការវាយប្រហារដោយយន្តហោះគ្មានមនុស្សបើកនេះជាការវាយប្រហារបែបនេះលើកទី១៨ ក្នុងប្រទេសប៉ាគីស្ថាននាឆ្នាំ២០១១ ៕
ចែករំលែកព័តមាននេះ