ហាងឆេងលុយរៀលខ្មែរមានប្រៀបជាងលុយបាតថៃ !
- ភ្នំពេញ
រាជធានីភ្នំពេញ ៖ ហាងឆេងប្រាក់រៀលខ្មែរថ្ងៃនេះមានប្រៀបជាងប្រាក់បាតថៃបន្តិចបើធៀបទៅនឹងថ្ងៃម្សិលមិញ ។ ធនាគារជាតិនៃកម្ពុជា នៅថ្ងៃទី ១៩ខែមីនា ឆ្នាំ ២០២១នេះឱ្យដឹងថា ១…
រាជធានីភ្នំពេញ ៖ ហាងឆេងប្រាក់រៀលខ្មែរថ្ងៃនេះមានប្រៀបជាងប្រាក់បាតថៃបន្តិចបើធៀបទៅនឹងថ្ងៃម្សិលមិញ ។ ធនាគារជាតិនៃកម្ពុជា នៅថ្ងៃទី ១៩ខែមីនា ឆ្នាំ ២០២១នេះឱ្យដឹងថា ១ បាតថៃ ទិញចូលត្រឹមតែ ១៣១ រៀល ហើយលក់ចេញតែ ១៣២ រៀលប៉ុណ្ណោះ ខណៈថ្ងៃម្សិលមិញ ទិញចូល ១៣២ រៀល និងលក់ចេញរហូតដល់ទៅ ១៣៣ រៀលឯណោះ ។
សម្រាប់ថ្ងៃនេះដែរ សូមមកតាមដានហាងឆេងអត្រាប្តូរប្រាក់រៀលខ្មែរធៀបនឹងប្រាក់ប្រទេសមួយចំនួនទៀត គឺ ១ ដុល្លារអាមេរិក ស្មើនឹង ៤០៥០ រៀល ហើយ ១ អឺរ៉ូ ទិញចូល ៤៨២៦ រៀល លក់ចេញ ៤៨៧៤ រៀល ខណៈ ១ ដុល្លារអូស្ត្រាលី ទិញចូល ៣១៤០ រៀល លក់ចេញ ៣១៧១ រៀល ។
ទន្ទឹមនេះហាងឆេងប្រាក់យន់ចិនធៀបនឹងប្រាក់រៀលខ្មែរ គឺ ១ យន់ចិន ទិញចូល ៦២៣ រៀល លក់ចេញ ៦២៩ រៀល ហើយ ១០០ យ៉េនជប៉ុន ទិញចូល ៣៧១៥ រៀល លក់ចេញ ៣៧៥២ រៀល និង ១០០ វុនកូរ៉េ ទិញចូល ៣៥៨ រៀល លក់ចេញ ៣៦២ រៀល ។ ចំពោះហាងឆេងប្រាក់ដុល្លារសាំងហ្គាពួរធៀបនឹងប្រាក់រៀលខ្មែរ គឺ ១ ដុល្លារសាំងហ្គាពួរ ទិញចូល ៣០១១ រៀល លក់ចេញ ៣០៤១ រៀល ខណៈ ១០០០ ដុងវៀតណាម ទិញចូល ១៧៦ រៀល និងលក់ចេញ ១៧៧ រៀល ៕
ចែករំលែកព័តមាននេះ