កិច្ចខិតខំប្រឹងប្រែងរបស់ប្រទេសចិនបង្កើតស្ថានីយអវកាសស្ថិតក្នុងគន្លងផែនដីកម្រិតទាបដែលនឹងចាប់ផ្តើមជាមួយនឹងដំណាក់កាលមន្ទីរពិសោធន៍អវកាសដោយរួមមានម៉ូឌុលអវកាសចំនួន៣ គឺ Tiangong បង្កើតក្នុងឆ្នាំ២០១១, ២០១៣ និង២០១៥ ។ ម៉ូឌុលអស់ទាំងនេះមានទំហំតូច និងស្ថិតក្នុងការពិសោធន៍នៅឡើយ។ ពួកវារចនាឡើងសម្រាប់ប្រតិបត្តិការរយៈពេលខ្លីដែលមាននាវិកចំនួន៣នាក់ប៉ុណ្ណោះ ។
ស្ថានីយអវកាម៉ូឌុលធំនឹងចាប់ផ្តើមបង្ហាញរាងនៅឆ្នាំ២០២២ ប្រើប្រាស់សមាសភាគ ពីមុនៗដាច់ដោយឡែកពីគ្នា ។ វានឹងមានទម្ងន់ប្រហែលជា៦០.០០០គីឡូក្រាម និងប្រតិបត្តិការរយៈពេល១០ឆ្នាំឯណោះ ហើយវានឹងគាំទ្រដល់អ្នកអវកាសចំនួន៣នាក់ក្នុងការរស់នៅដ៏យូរអង្វែង ។ សំណង់ស្ថានីយអវកាសដំបូងរបស់ចិននឹងរួចរាល់ជាស្ថាពរនៅឆ្នាំ២០២២ ៕
ចែករំលែកព័តមាននេះ