សម្រស់បវរស្ដ្រីមានប្ដីចក្កវាឡកាណាដា
នាង Ashley Callingbull វ័យ២៥ឆ្នាំ ពីតំបន់ Enoch Cree Nation ខេត្ត Alberta ភាគខាងលិចប្រទេសកាណាដា បានគ្រងតំណែង«បវរស្ដ្រីមានប្ដីចក្កវាឡ» ឆ្នាំ២០១៥ (Mrs. Universe) ។
នាង Ashley Callingbull វ័យ២៥ឆ្នាំ ពីតំបន់ Enoch Cree Nation ខេត្ត Alberta ភាគខាងលិចប្រទេសកាណាដា បានគ្រងតំណែង«បវរស្ដ្រីមានប្ដីចក្កវាឡ» ឆ្នាំ២០១៥ (Mrs. Universe) ។
នេះគឺជាព្រឹត្តិការណ៍ប្រលងបវរស្ដ្រីមានប្ដីដោយមានការចូលរួមពីបេក្ខនារីមានប្តី ខុសប្លែកពីការប្រកួតផ្សេងទៀត ហើយវាមិនមានការទាក់ទងជាមួយព្រឹត្តិការណ៍បវរកញ្ញាបវរកញ្ញាចក្កវាឡ (Miss. Universe) ទេ។ ព្រឹត្តិការណ៍នេះជ្រើសរើសតែជ័យលាភីម្នាក់ប៉ុណ្ណោះ សម្រាប់ជាអ្នកតំណាងក្រោមប្រធានបទសំខាន់ គឺ «ប្រយុទ្ធប្រឆាំងនឹងអំពើហិង្សា និងការរំលោភបំពានលើកុមារ» ។
តារាម៉ូដែល និងសម្តែងរូបនេះនិយាយថា «នាងខ្ញុំមិនរំពឹងថានឹងទទួលបានជ័យជម្នះនេះទេ តែខ្ញុំបានព្យាយាមទាំងកម្លាំងកាយ ចិត្ត រាល់ការឆ្លងកាត់ដំណាក់កាលជម្រុះ នីមួយៗ ។ ប្រធានបទនេះបានចាក់ដោតដល់បេះដូងរបស់ខ្ញុំ ពោលគឺខ្ញុំធ្លាប់រស់នៅក្នុងជីវភាពក្រខ្សត់ និងការរំលោភបំពានផ្លូវភេទអស់រយៈពេលច្រើនឆ្នាំ ។ នាងខ្ញុំយល់ពីអារម្មណ៍អ្នកដែលត្រូវបុរសជាន់ឈ្លីកិត្តិយ។ ខ្ញុំសូមលើកទឹកចិត្តដល់ស្ត្រីគ្រប់រូបឱ្យមានភាពរឹងមាំ និងសម្លឹងឆ្ពោះទៅរកអនាគតត្រចះត្រចង់មួយ ជាជាងគិតខ្លីឈានទៅសម្លាប់ខ្លួន» ។
ព្រឹត្តិការណ៍ប្រលងបវរស្ដ្រីមានប្តី «Mrs. Universe» រៀបចំឡើងចាប់ពីឆ្នាំ ២០០៧ មក៕
ចែករំលែកព័តមាននេះ