បង្ក្រាបបទល្មើសនេសាទ៤ទិសដៅ ក្នុងស្រុកចំនួន៣ ក្នុងខេត្តកំពង់ឆ្នាំង
ខេត្តកំពង់ឆ្នាំង ៖ មន្ត្រីខណ្ឌរដ្ឋបាលជលផលកំពង់ឆ្នាំងមាននាយ នាយរងខណ្ឌបានចែកជា៤មុខសញ្ញាចុះបង្ក្រាបបទល្មើសនេសាទដាក់របាំងស្បៃមុង
ខេត្តកំពង់ឆ្នាំង ៖ មន្ត្រីខណ្ឌរដ្ឋបាលជលផលកំពង់ឆ្នាំងមាននាយ នាយរងខណ្ឌបានចែកជា៤មុខសញ្ញាចុះបង្ក្រាបបទល្មើសនេសាទដាក់របាំងស្បៃមុង
ខេត្តកំពង់ឆ្នាំង ៖ មន្ត្រីខណ្ឌរដ្ឋបាលជលផលកំពង់ឆ្នាំងមាននាយ នាយរងខណ្ឌបានចែកជា៤មុខសញ្ញាចុះបង្ក្រាបបទល្មើសនេសាទដាក់របាំងស្បៃមុង របាំងសាច់អួនខុសច្បាប់ក្នុងស្រុកចំនួន៣ ក្នុងខេត្តកំពង់ឆ្នាំង ។ កិច្ចបង្ក្រាបបទល្មើសនេសាទក្នុងរដូវហាមឃាត់នេះបានធ្វើឡើងនៅព្រឹកថ្ងៃទី០៣ កញ្ញា ២០១៥ នៅស្រុកជលគីរី ស្រុកកំពង់លែង និងស្រុកបរិបូរណ៌ ។
លោក សោម ភិរុណ នាយខណ្ឌរដ្ឋបាលជលផលកំពង់ឆ្នាំង បាននិយាយឱ្យដឹងថា ដោយទទួលបានការណែនាំពីលោក យុទ្ឋ ប៊ូថង រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ក៏ដូចជាលោក អេង ជាសាន ប្រតិភូរាជរដ្ឋាភិបាលទទួលបន្ទុករដ្ឋបាលជលផលស្តីពីការបង្ក្រាបបទល្មើសនេសាទក្នុងរដូវត្រីពងកូននេះ ។
ថ្ងៃនេះលោកបានដឹកនាំកម្លាំងចេញបង្ក្រាបបទល្មើសនេសាទដោយចែកចេញជា៤មុខសញ្ញា ក្នុងនោះនៅភូមិសាស្ត្រស្រុកជលគីរី២មុខសញ្ញា ដែលមុខសញ្ញាទី១ ដឹកនាំដោយលោកផ្ទាល់ មុខសញ្ញាទី២ ដឹកនាំដោយលោក ប្រាក់ លាងហួរ ទី៣នៅភូមិសាស្ត្រ ស្រុកកំពង់លែង ដឹកនាំដោយលោក ម៉ប់ សាម៉ុន និងទី៤ នៅភូមិសាស្ត្រ ស្រុកបរិបូរណ៌ដឹកនាំដោយលោក លី ឡា ដែលទាំង៣នាក់ជានាយរងខណ្ឌរដ្ឋបាលជលផល និងមានការសហការជាមួយកងកម្លាំងប្រដាប់អាវុធតាមស្រុក ព្រមទាំងសហគមន៍នេសាទផងដែរ ។
ជាលទ្ឋផលសរុបក្នុងការបង្ក្រាបក្នុងថ្ងៃនោះមានរបាំងសាច់អួន៩កន្លែង មានប្រវែង១.៥០០ម៉ែត្រ របាំងស្បៃមុងមាន២១កន្លែង ប្រវែង៤៥០ម៉ែត្រ លបលូស្បៃមុង២១លប បង្គោល៨៥០ដើម ចាក់លែងកូនត្រី និងត្រីសរុប៤២៥គីឡូក្រាម ។ ឧបករណ៏ល្មើសច្បាប់ទាំងនោះត្រូវបានកាប់ និងដុតបំផ្លាញចោលនៅនិងកន្លែងតែម្តង ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ