កាលពីពេលថ្មីនេះ ក្រុមហ៊ុន ស៊ីនវៃ (ខេមបូឌា) ធេលេខម (ស៊ីនវៃ) Xinwei (Cambodia) Telecom Co., Ltd. បានចាត់តំណាងរបស់ខ្លួនក្នុងការនាំយកប្រាក់ឧបត្ថម្ភចំនួន៥.០០០ដុល្លារសហរដ្ឋអាមេរិក
កាលពីពេលថ្មីនេះ ក្រុមហ៊ុន ស៊ីនវៃ (ខេមបូឌា) ធេលេខម (ស៊ីនវៃ) Xinwei (Cambodia) Telecom Co., Ltd. បានចាត់តំណាងរបស់ខ្លួនក្នុងការនាំយកប្រាក់ឧបត្ថម្ភចំនួន៥.០០០ដុល្លារសហរដ្ឋអាមេរិក ទៅជូនដល់ក្រុមគ្រួសារបុគ្គលិករបស់ខ្លួនដែលបានទទួលមរណភាពក្នុងអំឡុងខែមេសា ឆ្នាំ២០១៥ កន្លងទៅដោយរោគាពាធ។
លោកស្រី យ៉ាំ សុខចំរើន ប្រធានផ្នែកធនធានមនុស្សរបស់ក្រុមហ៊ុន ស៊ីនវៃ (ខេមបូឌា) ធេលីខម (ស៊ីនវៃ) បានមានប្រសាសន៍ថា ក្នុងនាមលោកស្រីជាតំណាងឱ្យក្រុមហ៊ុន លោកស្រីមានអារម្មណ៍សោកស្តាយ និងសែនរន្ធត់ជាក្រៃលែងនៅពេលដែលទទួលបានព័ត៌មានមរណភាពរបស់លោកប៊ី សាវុន។ លោកប៊ី សាវុន ជាបុគ្គលិកផ្នែកបច្ចេកទេសប្រចាំខេត្តសៀមរាប លោកបានទទួលមរណភាពកាលពីថ្ងៃទី១០ មេសា ២០១៥ ការបាត់បង់នូវរូបលោក គឺជាការខាតបង់នូវធនធានមនុស្សដ៏កម្រមួយរូបចំពោះក្រុមហ៊ុន។ លោកស្រីបន្តថា ដើម្បីចូលរួមរំលែកទុក្ខលំបាករបស់ក្រុមគ្រួសារសពលោកប៊ី សាវុធ ថ្នាក់ដឹកនាំក្រុមហ៊ុន ស៊ីនវៃ (ខេមបូឌា) ធេលីខម (ស៊ីនវៃ) បានសម្រេចជួយជាថវិការសរុបចំនួន៥.០០០ដុល្លារសហរដ្ឋអាមេរិក ទៅប្រគល់ជូនភរិយា និងក្រុមគ្រួសារសព លោកប៊ី សាវុធ ដោយផ្ទាល់។ លោកស្រីបានបន្តទៀតថា ទោះជាទឹកប្រាក់នេះមានចំនួនតិចតួចក៏ដោយ ប៉ុន្តែវាបានបង្ហាញពីការយកចិត្តទុកដាក់របស់ថ្នាក់ដឹកនាំក្រុមហ៊ុនចំពោះទុក្ខលំបាក និងបញ្ហាសេដ្ឋកិច្ចរបស់ក្រុមគ្រួសារសពលោកប៊ី សាវុធ បានមួយចំណែកផងដែរ។ លោកស្រី ផន សាវេត ដែលត្រូវជាភរិយារបស់លោក ប៊ី សាវុធ បានថ្លែងអំណរគុណយ៉ាងជ្រាលជ្រៅចំពោះក្រុមហ៊ុន ស៊ីនវៃ ខេមបូឌា ធេលីខម (ស៊ីនវៃ) ដែលបានផ្តល់ប្រាក់ឧបត្ថម្ភដល់ក្រុមគ្រួសារលោកស្រីក្នុងការរៀបចំពិធីបុណ្យសពប្តីរបស់លោកស្រី ខណៈដែលក្រុមគ្រួសារលោកស្រីកំពុងតែជួបប្រទះបញ្ហាហិរញ្ញវត្ថុជាខ្លាំង។
ជាចុងក្រោយលោកស្រី ផន សាវេត បានថ្លែងអំណរអគុណ និងជូនពរដល់ក្រុមហ៊ុន និងថ្នាក់ដឹកនាំទាំងអស់របស់ក្រុមហ៊ុន សូមឱ្យមានភាពជោគជ័យជានិច្ចនិរន្ត៍រនៅក្នុងការប្រកបរបរអាជីវកម្មរបស់ខ្លួន និងជួបតែពុទ្ធពរទាំង៤ប្រការ គឺអាយុ វណ្ណៈ សុខៈ ពលៈ ៕
ចែករំលែកព័តមាននេះ