រាជធានីភ្នំពេញ ៖ លោកថេង សុថុល អនុសាខាកាកបាទក្រហមកម្ពុជាខណ្ឌសែនសុខ និងជាអភិបាលរងខណ្ឌ, លោកស្រីមន្ត្រីសាលាខណ្ឌ និងក្រុមយុវជនខណ្ឌជាច្រើនរូបទៀត បាននាំយកអំណោយជាគ្រឿងឧបភោគ-បរិភោគ និងសម្ភារមួយចំនួនរបស់សម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ទៅចែកជូនប្រជាពលរដ្នក្រីក្រ១៥គ្រួសារ កាលពីវេលាព្រឹកថ្ងៃទី០៣ កញ្ញា ២០១៥ ស្ថិតក្នុងសង្កាត់ក្រាំងធ្នង់ ។
ក្នុងមួយគ្រួសារៗទទួលបានសម្ភារមួយចំនួនដូចជាអង្ករ២៥គីឡូក្រាម, មី១កេស, ឃីត១ និងថវិកាចំនួន៥ម៉ឺនរៀល ក្នុងនោះ ថវិការបស់លោកថេង សុថុល ចំនួន២ម៉ឺនរៀល, លោកសឿន សួរ ១ម៉ឺនរៀល ចៅសង្កាត់ក្រាំងធ្នង់ និងលោកពៅ ណារិទ្ធិ ប្រធានសុយោដីខណ្ឌសែនសុខចំនួន២ម៉ឺនផងដែរ ។
លោកថេង សុថល បានពាំនាំនូវការសាកសួរសុខទុក្ខគ្រួសាររងគ្រោះទាំង១៥គ្រួសារ ពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ថ្វីដ្បិតលោកមិនបានអញ្ជើញមកផ្ទាល់ក៏ពិតមែន តែលោកតែងតែបានគិតគូរដល់សុខ និងទុក្ខរបស់ពលរដ្ឋគ្រប់ទីកន្លែងទាំងអស់ ។
ចែករំលែកព័តមាននេះ