រាជធានីភ្នំពេញ ៖ កម្ពុជា-ឥណ្ឌាបាននឹងកំពុងខិតខំប្រឹងប្រែងរួមគ្នាក្នុងការជម្រុញឱ្យមានការហោះហើរដោយផ្ទាល់ពីឥណ្ឌាមកកម្ពុជា និងពីកម្ពុជាទៅកាន់ប្រទេសឥណ្ឌា ខណៈបច្ចុប្បន្នគេមើលឃើញថាចំនួនអ្នកទេសចរនៃប្រទេសទាំងពីរ មានការកើនឡើងគួរឱ្យកត់សម្គាល់នៅក្នុងរយៈពេលប៉ុន្មានឆ្នាំចុងក្រោយនេះ។
លោកទិត្យ ចន្ថា រដ្ឋលេខាធិការក្រសួងទេសចរណ៍បានបញ្ជាក់ក្រោយជំនួបសវនាការ និងសម្តែងការគួរសមរបស់ លោក ណាវីន ស្រ៊ីវ៉ាស្តាវ៉ា (Mr Naveen Srivastava ឯកអគ្គរដ្ឋទូតឥណ្ឌាថ្មីប្រចាំកម្ពុជា ជាមួយលោកថោង ខុន រដ្ឋមន្ត្រីក្រសួងទេសចរណ៍ កាលពីរសៀលថ្ងៃទី២ កញ្ញា នៅទីស្តីការក្រសួងទេសចរណ៍។
លោកបញ្ជាក់ថា ក្នុងដំណើរបំពេញបេសកកម្មការទូតនៅកម្ពុជាបានកត់សម្គាល់ឃើញថា កម្ពុជាជាប្រទេសមួយមានការរីកចំរើន មានសុខសន្តិភាព ស្ថិរភាពនយោបាយ ក្រោមការដឹកនាំរបស់រាជរដ្ឋាភិបាលមានការអភិវឌ្ឍន៍លើគ្រប់វិស័យ ។
លោកក៏បានបង្ហាញអំពីទំនាក់ទំនងរបស់ប្រទេសទាំងពីកម្ពុជា-ឥណ្ឌា ដែលមានតាំងពីយូរយារមកហើយ មានវប្បធម៌ សាសនា ប្រពៃណី និងការរស់នៅរបស់ប្រជាជនទាំងពីរប្រហាក់ប្រហែលគ្នា ដែលនេះបង្ហាញឱ្យឃើញពីសក្ដានុពលដែលអាចទាក់ទាញអ្នកទេសចរឥណ្ឌាឱ្យមកទស្សនាកម្ពុជាបានយ៉ាងច្រើននៅពេលខាងមុខ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ