រាជធានីភ្នំពេញ ៖ ឱក សុគន្ធកញ្ញា មិនត្រឹមតែជាតារាចម្រៀងដ៏ល្បីមួយរូប ថែមទាំងត្រូវបានគេស្គាល់យ៉ាងច្បាស់ថា ជាតារាមួយរូបដែលដើរទាន់បច្ចេកវិទ្យាថ្មីៗ ។ តារាក្នុងចិត្តយុវវ័យរូបនេះបានបង្ហើបប្រាប់ទៅកាន់ទស្សនិកជនពីគន្លឹះពិសេសនៃជោគជ័យនៅក្នុងអាជីពរបស់នាងនៅក្នុងកម្មវិធីស៊ីធីអ៊ិនប៉ុស្តិ៍លេខ21 កាលពីថ្ងៃព្រហស្បតិ៍ ទី27 សីហា កន្លងទៅ។
ក្នុងសម្លៀកបំពាក់រ៉ូបពណ៌សដ៏ថ្លៃថ្នូ កំពូលតារាចម្រៀង ឱក សុគន្ធកញ្ញា បានបង្ហើរសំនៀងយ៉ាងពីរោះរណ្តំចិត្ត ដោយដាក់មនោសញ្ចេតនាយ៉ាងជ្រាលជ្រៅជាមួយនឹងទូរស័ព្ទដៃថ្មី Galaxy Note 5 របស់នាងនៅក្នុងបទចម្រៀង «អស់ចិត្តអស់ថ្ម» ។
តាមរយៈបទសម្ភាសន៍នេះ ជាមួយពិធីការិនីមិនចេះចាស់ អ្នកនាង យុគ ចិន្តា គេសង្កេតឃើញថា ឱក សុគន្ធកញ្ញា គឺជាតារាចម្រៀងមួយរូបដែលនិយមប្រើប្រាស់ផលិតផលបច្ចេកវិទ្យាទំនើបៗរបស់សាមសុងធ្វើជាជំនួយការក្នុងការងារប្រចាំថ្ងៃ ដើម្បីភាពជោគជ័យរបស់នាង។ អ្នកនាង យុគ ចិន្តា បានសរសើរថា ៖ «ក្នុងចំណោមតារានៅកម្ពុជាយើង បងឃើញថា ប្អូនជាតារាម្នាក់ដែលលេចធ្លោជាងគេផ្នែកបច្ចេកវិទ្យាទំនើប។ មិនសរសើរមិនបាន!»
សុគន្ធកញ្ញា បាននិយាយថា «ពេលខ្លះខ្ញុំចូលចិត្តឆែកមើលការផាត់មុខ ក៏ដូចជាម៉ូតសក់ តាមអ៊ីនធើរណេត ដើម្បីបានគំនិតមកកែច្នៃខ្លួនឯងបន្ថែម ជាមួយនឹងពណ៌រូបភាពច្បាស់ ត្រជាក់ភ្នែក ដូចធម្មជាតិពិតៗ វាងាយស្រួលឲ្យខ្ញុំបង្ហាញទៅអ្នកផាត់មុខរបស់ខ្ញុំ។ ពេលខ្លះខ្ញុំប្រើប៊ិក S Pen ដើម្បីគូរព្រាងច្នៃម៉ូដសម្លៀកបំពាក់នៅលើទូរស័ព្ទដៃ Note 5 រួចផ្ញើទៅឲ្យជាង ដើម្បីបានម៉ូដសម្លៀកបំពាក់ស្អាតៗ ប្លែកៗ សម្រាប់ចូលរួមកម្មវិធី និងសម្រាប់មុខជំនួញសំអាងការរបស់ខ្ញុំ»។
ក្រៅពីមុខងារទាំងនេះ សុគន្ធកញ្ញា បានប្រាប់ថា នាងបានទាញអត្ថប្រយោជន៍ពីការប្រើប្រាស់ទូរស័ព្ទដៃទំនើបរបស់នាង ដើម្បីរក្សាទំនាក់ទំនងជាមួយនឹងអ្នកគាំទ្ររបស់នាង។ នាងថា «ថ្វីត្បិតតែខ្ញុំជាតារាក៏ពិតមែន តែការរស់នៅប្រចាំថ្ងៃក៏មិនខុសពីបងប្អូនទស្សនិកជនប៉ុន្មានដែរ ដោយគ្រាន់តែពេលខ្លះការងារមានភាពមមាញឹក មិនសូវជាមានពេលជួបជុំជាមួយក្រុមគ្រួសារ ប៉ុន្តែទោះបីជារវល់យ៉ាងណាក៏ដោយ ខ្ញុំក៏តែងតែឆ្លៀតពេលខតាម Skype ឬ LINE ចំណែកអ្នកគាំទ្ររបស់របស់ខ្ញុំ ពួកគាត់តែងតែតាមដានសកម្មភាពរបស់ខ្ញុំតាមរយៈ Facebook និង Instagram»។
មិនត្រឹមតែប៉ុណ្ណេះ នៅក្នុងកម្មវិធី ស៊ីធីអ៊ិន ប៉ុស្តិ៍លេខ21 កញ្ញា ឱក សុគន្ធកញ្ញា បានបង្ហាញនូវការពេញចិត្តយ៉ាងខ្លាំងជាមួយនឹង Galaxy Note 5 ដោយបានសុំអ្នកនាង យុគ ចិន្តា ថតរូប Selfie ព្រមទាំងចុះហត្ថលេខាលើរូបថតភ្លាមៗតែម្តង ធ្វើឲ្យអ្នកនាង យុគ ចិន្តា ទប់សរសើរមិនបាន។ តារារូបនេះបានបន្ថែមថា «ជាមួយនឹងការថតរូប ពេលនេះគ្មានអ្វីស្រួលជាងទូរស័ព្ទដៃទេ ថតភ្លាម សរសេរភ្លាម បង្ហោះភ្លាម ប៉ុន្តែលើសពីនេះទៅទៀត នៅលើ Note 5 អាចឲ្យយើងសរសេរអក្សរដៃ ឬចុះហត្ថលេខាបានភ្លាមៗ គួរឲ្យពេញចិត្តជាទីបំផុត»៕
ចែករំលែកព័តមាននេះ