រាជធានីភ្នំពេញ ៖ លោកឧបនាយករដ្ឋមន្រ្តី ហោ ណាំហុង រដ្ឋមន្រ្តីក្រសួងការបរទេសនិងសហប្រតិបត្តិការអន្តរជាតិបានមានប្រសាសន៍នៅប៉ុន្មាននាទីមុននេះថា អ្នកនយោបាយធ្វើនយោបាយត្រូវមានសុចរិតភាព និងត្រូវមានសីលធ៌ម ។
លោកប្រធានគណៈកម្មការចំពោះកិច្ចសម្របសម្រួលការទទួល ប្រគល់និងផ្ទៀងផ្ទាត់ផែនទីលើកឡើងខាងលើនេះ បានធ្វើឡើងនៅក្រោយការបិទបញ្ចប់ពិធីទទួលនិងផ្ទៀងផ្ទាត់ផែនទីដែលខ្ចីពីបារំាងនិងផែនទីរាជរដ្ឋាភិបាលនៅម៉ោងជិត១២ថ្ងៃត្រង់ថ្ងៃទី០៣ កញ្ញា ២០១៥ ។
ការលើកឡើងមិនចំឈ្មោះអ្នកនយោបាយពីសំណាក់លោកប្រមុខការទូតបែបនេះ មិនដឹងសំដៅទៅលើអ្នកនយោបាយណានោះទេ ប៉ុន្តែមជ្ឈដ្ឋានជាច្រើនបានវិភាគឃើញថាទំនងជាលោកឧបនាយករដ្ឋមន្រ្តី ហោ ណាំហុង សំដៅដល់អ្នកតំណាងរាស្រ្តគណបក្សសង្គ្រោះជាតិ ដែលកន្លងមកចោទប្រកាន់មកលើរាជរដ្ឋាភិបាលថាប្រើបា្រស់ផែនទីក្លែងក្លាយ ខណៈការផ្ទៀងផ្ទាត់ទំាងផែនទីដែលខ្ចីពីអង្គការសហប្រជាជាតិ និងផែនទីខ្ចីពីបារំាង ជាមួយនឹងផែនទីរាជរដ្ឋាភិបាលបង្ហាញថាដូចគ្នានោះ ៕
ចែករំលែកព័តមាននេះ