រាជធានីភ្នំពេញ ៖ ដើម្បីជាការឆ្លើយតបទៅនឹងការគាំទ្ររបស់ភ្ញៀវជាតិ-អន្តរជាតិនាពេលកន្លងមក សណ្ឋាគារភ្នំពេញបានផ្តល់ជូនរដូវកាលទទួលទានមុខម្ហូបត្រីសូម៉ុង (Salmon) ជាច្រើនមុខ រួមនឹងអាហារប៊ូហ្វេផ្សេងៗទៀត ដោយគ្រាន់តែលោកអ្នកចំណាយប្រាក់២១ដុល្លារ ។ ការផ្តល់ជូននេះ មានរយៈពេលកំណត់ត្រឹមខែកញ្ញាប៉ុណ្ណោះ។
លោក Wirat Jaiaue ប្រធានចុងភៅប្រចាំសណ្ឋាគារភ្នំពេញ មានប្រសាសន៍ថា នៅសណ្ឋាគារភ្នំពេញរៀងរាល់ខែតែងតែមានកម្មវិធីប្រមូសិនពិសេសៗទៅលើមុខម្ហូប តួយ៉ាងដូចជានៅខែសីហា កន្លងមកនេះ យើងធ្វើការប្រូមូសិននូវមុខម្ហូបគ្រឿងសមុទ្រ (អ៊យស្ទើ) ជូនដល់ភ្ញៀវជាតិ និងអន្តរជាតិ។ តែនៅខែកញ្ញានេះ យើងធ្វើប្រូមូសិនពិសេសនៅមុខម្ហូបត្រីសូម៉ុង (Salmon) ច្រើនមុខបន្ថែមទៅលើមុខម្ហូបដែលធ្លាប់ផ្តល់ជូនកន្លងមក។
លោកបញ្ជាក់ថា នៅខែកញ្ញានេះ អាចជារដូវកាលមួយសម្រាប់ភ្ញៀវជាតិ និងអន្តរជាតិអាចរីករាយក្នុងការទទួលទាននូវមុខម្ហូបត្រីសូម៉ុង ដោយគ្រាន់តែចំណាយប្រាក់ត្រឹម២១ដុល្លារ ពួកគាត់នឹងរីករាយជាមួយនិងផ្តល់ជូននេះ ដែលសណ្ឋាគារផ្សេងទៀតពុំធ្លាប់មាន។ លោកថា ការផ្តល់ជូននេះ សម្រាប់ក្រុមគ្រួសារដែលមានកូនៗមានអាយុក្រោម៦ឆ្នាំ ខាងយើងផ្តល់ជូនពួកគាត់នូវការបរិភោគដោយឥតគិតថ្លៃ លើសពីនេះសម្រាប់កុមារដែលមានអាយុក្រោម១២ឆ្នាំ យើងនូវមានការផ្តល់ការបញ្ចុះតម្លៃ៥០%បន្ថែមទៀត គឺធ្វើយ៉ាងណាឲ្យអតិថិជនទទួលបាននូវការផ្តល់ជូនថ្មីនេះ និងម្យ៉ាងទៀតដើម្បីជាការថ្លែងអំណអរគុណដល់ភ្ញៀវជាតិ និងអន្តរជាតិ ដែលតែងតែគាំទ្រ និងជឿជាក់មកខាងសណ្ឋាគារនាពេលកន្លងមក។
លោកបញ្ជាក់ថា ការផ្តល់ជូនថ្មីនេះ នឹងចាប់ផ្តើមពីថ្ងៃទី១ដល់ថ្ងៃទី៣០ កញ្ញា នៅរៀងរាល់ពេលល្ងាចម៉ោង៦ទៅដល់១០កន្លះយប់ នៅសណ្ឋាគារភ្នំពេញ។ ដោយឡែកសម្រាប់អាហារប៊ូហ្វេយើងមានបម្រើជូនភ្ញៀវមានរាល់ពេលដូចពេលមុនៗកន្លងមកដែរ។
លោកលើកឡើងថា យើងន្ថែមនូវមុខម្ហូបត្រី Salmon លើមុខម្ហូបដែលយើងកំពុងមាននៅពេលសព្វថ្ងៃនេះព្រោះយល់ឃើញថា មុខម្ហូបត្រី Salmon បាននិងកំពុងមានការពេញទទួលទានពីភ្ញៀវជាតិ និងអន្តរជាតិ ព្រោះត្រី Salmon នេះ យើងអាចច្នៃធ្វើជាមុខម្ហូបបានច្រើនប្រភេទ។ ក្រៅពីច្នៃធ្វើមុខម្ហូបបានច្រើនប្រភេទត្រីSalmon ផ្តល់អត្ថប្រយោជន៍ច្រើនទៅដល់សុខរាងកាយមនុស្សនាពេលបច្ចុប្បន្ន ដោយត្រី Salmon នេះអាចការពារជំងឺមហារីក ជួយកាត់បន្ថយជាតិខ្លាញ់នៅក្នុងខ្លួនប្រាណ ជួយកាត់បន្ថយជាតិស្ករនៅសរសៃឈាម ពិសេសសម្រាប់មនុស្សដែលមានអាយុ៤០ឡើងទៅផ្តល់អត្ថប្រយោជន៍ច្រើនដល់ទៅសុខភាព៕
ចែករំលែកព័តមាននេះ