Goldgenie នឹងផលិត iPhone 6S ស្រោបមាសនិងប្លាទីន
នៅសល់តែ៧ថ្ងៃទៀប៉ុណ្ណោះ ក្រុមហ៊ុន Apple នឹងបញ្ចេញ iPhone 6S ខណៈពេលដែលអតិថិជនរបស់ខ្លួនកំពុងទន្ទឹងរង់ចាំទិញ ។ ជាមួយគ្នានេះដែរក្រុមហ៊ុនអង់គ្លេស Goldgenie សន្យាថានឹងផលិត iPhone 6S
នៅសល់តែ៧ថ្ងៃទៀប៉ុណ្ណោះ ក្រុមហ៊ុន Apple នឹងបញ្ចេញ iPhone 6S ខណៈពេលដែលអតិថិជនរបស់ខ្លួនកំពុងទន្ទឹងរង់ចាំទិញ ។ ជាមួយគ្នានេះដែរក្រុមហ៊ុនអង់គ្លេស Goldgenie សន្យាថានឹងផលិត iPhone 6S ដោយស្រោបមាស និងប្លាទីនដែលមានតម្លៃជាង៣ពាន់ដុល្លារ។ នេះគឺជាការផលិតក្នុងទំហំមានកំណត់ ពោលគឺគ្មានដាក់លក់លើទីផ្សារទេ តែអតិថិជនអាចបញ្ជាទិញបាន ។ មិនត្រឹមតែមាន iPhone 6S ស្រោបមាស និងប្លាទីនទេ គឺថែមទាំងមានស្រោបស្បែកក្រពើនៅពីក្រោយទូរស័ព្ទទៀតផង ។
នេះមិនមែនជាលើកទី១ទេសម្រាប់ក្រុមហ៊ុន Goldgenie ពោលកាលពី iPhone 6 ចេញដំបូងក៏ក្រុមហ៊ុននេះចាប់ផ្តើមផលិតស្រោមមាស និងពេជ្រដែរក្រោយពីសុំសិទិ្ធអនុញ្ញាតិពីក្រុមហ៊ុន Apple ក្នុងការផលិតដែលមានចំនួនកំណត់ច្បាស់លាស់ ។
អតិថិជនរបស់ក្រុមហ៊ុន Apple ជឿជាក់ថា ផលិតផលជំនាន់ថ្មីនឹងមានការរចនា និងបំពាក់ដោយបច្ចេកវិទ្យាយ៉ាងទំនើបផងដែរ ។ ចំពោះអេក្រង់របស់វាមិនទាន់មានការអះអាងបញ្ជាក់ពិតប្រាកដនៅឡើយទេ តែចំពោះកាមេរ៉ាក្រោយល្បីថា មានទំហំដល់ទៅ១២មេហ្គាភិចស៊ែលឯណោះ ។ អ្វីៗគ្រប់យ៉ាងនឹងត្រូវលាតត្រដាងនៅថ្ងៃទី៩ កញ្ញា ២០១៥ ៕
ចែករំលែកព័តមាននេះ