ប្រទេសអ៊ីស្រាអែល ៖ នាយករដ្ឋមន្ត្រីអ៊ីស្រាអែល លោកបេនចាមីននេតាន់យ៉ាហ៊ូថ្លែងកាលពីថ្ងៃទី៧ មីនាថា ពិតជារឿងអស្ចារ្យយើងបានបើកបណ្ដាភោជនីយដ្ឋានឡើងវិញ ជាមួយអ្នកកាន់ប៉ាស្ព័របៃតងនោះគឺអ្នកដែលបានចាក់វ៉ាក់សាំងប្រឆាំងវីរុសកូវីដ-១៩ ពីរលើករួចហើយ ។ យើងវិលត្រឡប់មករកជីវភាពធម្មតាវិញ ។
នៅអ៊ីស្រាអែលមនុស្សម្នាបានមកកាន់ហាងកាហ្វេមកហូបអាហារតាមបណ្ដាភោជនីយដ្ឋាន និងវិលត្រឡប់ចូលសាលារៀនវិញ ។ ប្រទេសអ៊ីស្រាអែលនាថ្ងៃទី៧ មីនា វិលមករកជីវភាពស្ទើរតែធម្មតាវិញ ដោយសារវិធានការថ្មីៗបន្ធូរបន្ថយការរិតត្បិត ខណៈសល់ពេលតែ១៥ថ្ងៃទៀតដល់ការបោះឆ្នោតជាតិ ។
វិធានការបន្ថូរបន្ថយការរិតត្បិតនោះត្រូវបានអនុម័តកាលពីយប់ថ្ងៃទី៦ មីនា ដោយរដ្ឋាភិបាល ដែលបែបនោះជាការទន្ទឹងរង់ចាំបំផុតរបស់ពលរដ្ឋអ៊ីស្រាអែល ចាប់តាំងពីប្រទេសចាកចេញបន្តិចម្ដងៗពីការបង្ខាំងលើកទី៣ពីពាក់កណ្ដាលខែកុម្ភៈមក ។ បែបនោះអាចទៅរួចដោយសារយុទ្ធនាការនៃការចាក់វ៉ាក់សាំងក្នុងទ្រង់ទ្រាយធំបំផុត ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ