មាសឡើងថ្លៃ100បាតឬស្មើនឹង19.250បាតក្នុងទម្ងន់3,3ជី
ប្រទេសថៃ ៖ មាសបានឡើងថ្លៃ១០០បាតក្នុងទម្ងន់៣,៣ជី ស្មើនឹងលក់ចេញ១៩.២៥០បាត=៥៣៧ដុល្លារ ឬ១៦២ដុល្លារក្នុង១ជីមាស នៅទីក្រុងបាងកក កាលពីថ្ងៃសៅរ៍ កន្លងមកនេះ ។
ប្រទេសថៃ ៖ មាសបានឡើងថ្លៃ១០០បាតក្នុងទម្ងន់៣,៣ជី ស្មើនឹងលក់ចេញ១៩.២៥០បាត=៥៣៧ដុល្លារ ឬ១៦២ដុល្លារក្នុង១ជីមាស នៅទីក្រុងបាងកក កាលពីថ្ងៃសៅរ៍ កន្លងមកនេះ ។
សមាគមពាណិជ្ជករមាសបានប្រកាសតម្លៃទិញចូលក្នុងហាងឆេងគឺស្មើងនឹង១៩.១៥០បាតនិងលក់ចេញ១៩.២៥០បាត ក្នុងទម្ងន់៣,៣ជីមាស ។ ចំពោះគ្រឿងអលង្ការតម្លៃទិញចូលគឺ ១៨.៨៧៤បាតនិងលក់ចេញ១៩.៦៥០បាតក្នុងទម្ងន់៣,៣ជី ។
កាលពីថ្ងៃសុក្រ តម្លៃត្រូវបានកែសម្រួល៦ដងដែលចង្អុលបង្ហាញឲ្យឃើញពីលទ្ធភាពខ្ពស់ដែលងាយប្រែប្រួល ពោលគឺឡើងថ្លៃ១០០បាតចាប់តាំងពីថ្ងៃព្រហស្បតិ៍មក ។
ចំណែកតាមរបាយការណ៍សារព័ត៌មាន Bloomberg ពីក្រុងឡុងកាលពីថ្ងៃសុក្រ បង្ហាញថា មាសបានទោទន់ទៅរកការធ្លាក់ថ្លៃប្រចាំសបា្តហ៍ ខ្ពស់បំផុតច្រើនជាងមួយខែស្របពេលបណ្តាវិនិយោគិននានាទន្ទឹមរង់ចាំលើទិន្នន័យសេដ្ឋកិច្ចនៅសបា្តហ៍ក្រោយ សម្រាប់ជាសេចក្តីណែនាំនៅពេលណាដែលធនាគារបម្រុងសហព័ន្ធ នឹងបង្កើនអត្រាការប្រាក់ ។
មាសបានកើនឡើង០,២%ក្នុងទីក្រុងឡុងកាលពីថ្ងៃសុក្រ បន្ទាប់ពីមានការធ្លាក់ចុះកាលពីបួនថ្ងៃមុន ។ ហាងឆេងនេះបានដើរថយក្រោយពីកម្រិតខ្ពស់បំផុតក្នុងអំឡុងពេលជិត៧សប្តាហ៍ គិតត្រឹមថ្ងៃចន្ទសប្តាហ៍មុន ហើយក៏ចំពេលដែលភាពទ្រុឌទ្រោមនៃទីផ្សារសាកលបានជំរុញតម្រូវការ ក៏ដូចជាការទាត់ចោលនូវមន្ទិលសង្ស័យថាតើអ្នកនយោបាយសហរដ្ឋអាមេរិកនឹងបង្កើនការចំណាយលើការខ្ចីក្នុងខែកញ្ញាឬយ៉ាងណា ។
ទិន្នន័យចេញផ្សាយកាលពីថ្ងៃព្រហស្បតិ៍ នេះបង្ហាញថា សេដ្ឋកិច្ចសហរដ្ឋអាមេរិកបានកើនឡើងច្រើនជាងការព្យាករទុកកាលពីមុនទៅទៀតនៅក្នុងអំឡុងត្រីមាសទី២នេះ ។ រីឯបណ្តាពាណិជ្ជករទាំងឡាយកំពុងតែដាក់តម្លៃធម្មតា៣០%នៅក្នុងធនាគារបម្រុងនៃសហព័ន្ធដែលនឹងបង្កើនអត្រាការប្រាក់នៅខែក្រោយចាប់ពី២៤%ពីរថ្ងៃមកនេះ ។ ភាពចលាចលនៃទីផ្សារបានជំរុញឲ្យផែនការរបស់ធនាគារបម្រុងសហព័ន្ធចំពោះការដំឡើងអត្រាការប្រាក់នៅខែធ្នូ ។
ដោយឡែកអ្នកវិភាគរបស់ UBS Group AG ក្នុងក្រុងឡុងលោក Joni Teves បានបង្ហើបតាមទូរស័ព្ទកាលពីថ្ងៃសុក្រកន្លងមកថា « ផលប៉ះពាល់នៃបម្រែបម្រួលរបស់មាសនៅក្នុងទិន្នន័យ អាចប្រែក្លាយកាន់តែខ្ពស់ឡើង ខណៈកិច្ចប្រជុំនៅខែកញ្ញា កាន់តែខិតជិតមកដល់ ។ ម្យ៉ាងទៀត ប្រសិនជារូបភាពនេះកំពុងគ្រប់គ្រាន់នឹងឲ្យមនុស្សម្នាទាំងឡាយជឿជាក់លើការផ្លាស់ប្តូរក្តីរំពឹងទុករបស់ពួកគេលើធនាគារបម្រុងទុកនៃសហព័ន្ធ នោះវានឹងនាំឲ្យមានផលប៉ះពាល់យ៉ាងខ្លាំងទៅលើមាស » ។
តាមទិន្នន័យពីសារព័ត៌មាន Bloomberg បណ្តាវិនិយោគិនបានទិញមាស១,៨តោនតាមរយៈការទិញភាគហ៊ុនមាស និងលក់វិញកាលពីថ្ងៃព្រហស្បតិ៍ ។ ភាគហ៊ុនគឺ១.៥២៩,៤តោនដែលជាកម្រិតខ្ពស់ជាងគេបំផុត គិតចាប់តាំងពីថ្ងៃទី ៣០ កក្កដា មក ៕
ចែករំលែកព័តមាននេះ