ជោគវាសនាបុរសជាសន្ដិសុខដែលអនុញ្ញាតឲ្យស្ដ្រីចិនចេញពីមណ្ឌលចត្តាឡីស័ក
- ភ្នំពេញ
រាជធានីភ្នំពេញ ៖ លោក ពេជ្រ វិជ្ជាធរ អនុប្រធានសាលាដំបូងរាជធានីភ្នំពេញ ដែលជាចៅក្រមស៊ើបសួរ កាលពីព្រឹកថ្ងៃទី៨ ខែមីនា ឆ្នាំ២០២១…
រាជធានីភ្នំពេញ ៖ លោក ពេជ្រ វិជ្ជាធរ អនុប្រធានសាលាដំបូងរាជធានីភ្នំពេញ ដែលជាចៅក្រមស៊ើបសួរ កាលពីព្រឹកថ្ងៃទី៨ ខែមីនា ឆ្នាំ២០២១…
រាជធានីភ្នំពេញ ៖ លោក ពេជ្រ វិជ្ជាធរ អនុប្រធានសាលាដំបូងរាជធានីភ្នំពេញ ដែលជាចៅក្រមស៊ើបសួរ កាលពីព្រឹកថ្ងៃទី៨ ខែមីនា ឆ្នាំ២០២១ បានសម្រេចចេញដីកាឃុំខ្លួនបុរសម្នាក់ជាសន្ដិសុខដែលបានអនុញ្ញាតឲ្យស្ដ្រីជនជាតិចិនលួចចេញពីមណ្ឌលចត្តាឡីស័កនៅសណ្ឋាគារសុខា ដោយដាក់ពន្ធនាគារជាបណ្តោះអាសន្ន ក្រោមការចោទប្រកាន់ពីបទ «គ្រោះមហន្តរាយ» តាមបញ្ញាតិមាត្រា៤២ នៃច្បាប់ស្តីពីការគ្រប់គ្រងគ្រោះមហន្តរាយ ដែលច្បាប់នេះ តម្រូវឲ្យដាក់ពន្ធនាគារលើជនជាប់ចោទពី១ខែទៅ១ឆ្នាំ ។
ជនជាប់ចោទខាងលើឈ្មោះ រ៉ែន សុធារ៉ា ភេទប្រុស អាយុ៣៨ឆ្នាំ មានអាសយដ្ឋានស្នាក់នៅផ្ទះជួល ផ្លូវកែវចិន្ដា ខណ្ឌជ្រោយចង្វារ រាជធានីភ្នំពេញ ។
គួរបញ្ជាក់ថា ជនសង្ស័យត្រូវបានកម្លាំងសមត្ថកិច្ចកងអាវុធហត្ថរាជធានីភ្នំពេញ ឃាត់ខ្លួននៅទីតាំងចត្តាឡីស័កចាក់អង្រែក្រោម តាមបទបញ្ជារបស់ថ្នាក់លើ និងបានបញ្ជូនទៅអគ្គស្នងការដ្ឋាននគរបាលជាតិ ក្រោយលទ្ធផលធ្វើតេស្ដលើកចុងក្រោយរបស់គាត់ អវិជ្ជមានជំងឺកូវីដ-១៩ ពាក់ព័ន្ធក្នុងការអនុញ្ញាតិឲ្យស្ត្រីជនជាតិចិនមួយក្រុមចេញពីមណ្ឌលចត្តាឡីស័កនៅសណ្ឋាគារសុខា ។
គួរបញ្ជាក់ទៀតថា បន្ទាប់មកនៅថ្ងៃទី៧ ខែមីនា ឆ្នាំ២០២១ នគរបាលជាតិបានបញ្ជូនសន្តិសុខរូបនោះទៅកាន់សាលាដំបូងរាជធានីភ្នំពេញ ដែលសំណុំរឿងនេះបានស្ថិតនៅលើលោក សិដ្ឋ វណ្ណៈ ព្រះរាជអាជ្ញារងនៃអយ្យការបើកការសាកសួរ និងក្រោយពីបញ្ចប់ការសាកសួរហើយ តំណាងអយ្យការបានសម្រេចធ្វើការចោទប្រកាន់ជនសង្ស័យជាផ្លូវការ និងបានចាត់បញ្ជូនទៅខាងចៅក្រម ដើម្បីសម្រេចឃុំខ្លួនជនជាប់ចោទដាក់ពន្ធនាគារជាបណ្តោះអាសន្ន ។
គួរបញ្ជាក់ទៀតថា ៖ ក្តៅៗ! សន្តិសុខដែលជម្លៀសចិនចេញពីសណ្ឋាគារសុខាត្រូវបញ្ចូនទៅអគ្គស្នងការដ្ឋាននគរបាលជាតិ ៕
ចែករំលែកព័តមាននេះ