រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នាវេលាម៉ោង២និង៤៩នាទីរសៀលថ្ងៃទី៨ មីនា ឆ្នាំ២០២១ មានករណីភ្ញាក់ផ្អើលមួយបានកើតឡើង បន្ទាប់ពីសមត្ថកិច្ចបាននាំគ្នាដេញតាមព័ទ្ធចាប់ជនសង្ស័យ២នាក់ដែលធ្វើសកម្មភាពឆក់ ធ្វើឱ្យជនសង្ស័យបង្ខំចិត្តផ្តួលម៉ូតូមួយគ្រឿងចោលនៅចំណុចស្ពានស្ទឹងមានជ័យ ស្ថិតក្នុងសង្កាត់ស្ទឹងមានជ័យ…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នាវេលាម៉ោង២និង៤៩នាទីរសៀលថ្ងៃទី៨ មីនា ឆ្នាំ២០២១ មានករណីភ្ញាក់ផ្អើលមួយបានកើតឡើង បន្ទាប់ពីសមត្ថកិច្ចបាននាំគ្នាដេញតាមព័ទ្ធចាប់ជនសង្ស័យ២នាក់ដែលធ្វើសកម្មភាពឆក់ ធ្វើឱ្យជនសង្ស័យបង្ខំចិត្តផ្តួលម៉ូតូមួយគ្រឿងចោលនៅចំណុចស្ពានស្ទឹងមានជ័យ ស្ថិតក្នុងសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។
ម៉ូតូមួយគ្រឿងដែលក្រុមជនសង្ស័យបន្សល់ទុកខាងលើនោះម៉ាកស្គូពី ពណ៌ខ្មៅ ពាក់ស្លាកលេខ ភ្នំពេញ ១IP-៣៧៥៧ ។ ដោយឡែកជនសង្ស័យទាំង២នាក់ខាងលើនោះមិនស្គាល់អត្តសញ្ញាណនោះទេ នាំគ្នារត់គេចខ្លួន ។
តាមសេចក្តីរាយការណ៍បានបន្តថា មុនពេលកើតហេតុ មានជនសង្ស័យ២នាក់បានធ្វើសកម្មភាពឆក់ស្ត្រីមិនស្គាល់អត្តសញ្ញាណម្នាក់ តែគេមិនដឹងថា ក្រុមជនសង្ស័យឆក់កាបូប ឬឆក់ទូរស័ព្ទនោះទេ នៅចំណុចផ្លូវរថភ្លើង ត្រង់ព្រំប្រទល់ខណ្ឌសែនសុខ និងខណ្ឌពោធិសែនជ័យ ។
តាមសេចក្តីរាយការណ៍បានបន្តទៀតថា ខណៈនោះស្ត្រីរងគ្រោះបានជិះម៉ូតូដេញតាម រួមជាមួយអ្នកដំណើរម្នាក់ដែលជាសមត្ថកិច្ចផងនោះ ក៏បានប្រកាសតាមវិទ្យុទាក់ទង ហើយជនសង្ស័យក៏ជិះម៉ូតូគេចខ្លួនចុះឡើងៗនៅម្តុំពេទ្យលោកសង្ឃ ត្រូវបានសមត្ថកិច្ចខណ្ឌទួលគោក សហការជាមួយសមត្ថកិច្ចដែលកំពុងដេញតាមនោះ ហើយក៏ឈានដល់ការដេញតាមព័ទ្ធចាប់ជនសង្ស័យ ធ្វើឱ្យជនសង្ស័យបង្ខំចិត្តផ្តួលម៉ូតូចោលនៅចំណុចស្ពានអាកាសស្ទឹងមានជ័យ រួចនាំគ្នារត់គេចខ្លួនបាត់អស់តែម្តង ។
ក្រោយពេលកើតហេតុ ម៉ូតូមួយគ្រឿងដែលក្រុមជនសង្ស័យបានបន្សល់ទុកខាងលើ ត្រូវបានសមត្ថកិច្ចចរាចរណ៍យកមកទុកនៅក្រោមស្ពានអាកាសស្ទឺងមានជ័យ ដើម្បីប្រគល់ឱ្យសមត្ថកិច្ចមូលដ្ឋានយកទៅរក្សាទុក ដើម្បីស្រាវជ្រាវរកមុខសញ្ញាជនសង្ស័យយកមកផ្តន្ទាទោសតាមច្បាប់ ។ ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព ៕
ចែករំលែកព័តមាននេះ