ព្រះត្រៃបិដកភាគ៥៥ សម័យមួយព្រះនារទត្ថេរបាននិមន្តទៅទស្សនានៅឋានទេវលោកដោយឈរនៅក្បែរវិមានទេពធីតាឈ្មោះមល្លិកា ហើយបានសួរទេពធីតានោះយ៉ាងដូច្នេះ ម្នាលនាងមានសំពត់លឿង មានទង់លឿង ស្អិតស្អាងដោយគ្រឿងអលង្ការលឿង នាងបើទុកជាមិនប្រដាប់ដោយសំពត់ស្លៀកមានពណ៌លឿងទាំងឡាយក៏ដោយ ក៏នៅតែល្អ ម្នាលនាង អ្នកទ្រទ្រង់នូវគ្រឿងប្រដាប់ដោយវិការៈនៃមាស…
ព្រះត្រៃបិដកភាគ៥៥ សម័យមួយព្រះនារទត្ថេរបាននិមន្តទៅទស្សនានៅឋានទេវលោកដោយឈរនៅក្បែរវិមានទេពធីតាឈ្មោះមល្លិកា ហើយបានសួរទេពធីតានោះយ៉ាងដូច្នេះ ម្នាលនាងមានសំពត់លឿង មានទង់លឿង ស្អិតស្អាងដោយគ្រឿងអលង្ការលឿង នាងបើទុកជាមិនប្រដាប់ដោយសំពត់ស្លៀកមានពណ៌លឿងទាំងឡាយក៏ដោយ ក៏នៅតែល្អ ម្នាលនាង អ្នកទ្រទ្រង់នូវគ្រឿងប្រដាប់ដោយវិការៈនៃមាស ពាសពេញដោយបណ្តាញមាសយ៉ាងនេះ តើនាងបានធ្វើបុណ្យអ្វី ?
ទេវធីតាឆ្លើយថា ខ្ញុំមានចិត្តជ្រះថ្លាចំពោះព្រះគោតម ព្រះអង្គមានគុណប្រមាណមិនបាន ដែលទ្រង់បរិនិព្វានហើយ បានបូជាបណ្តាញមាសដ៏វិចិត្រ ដោយកែវមណី និងមាសរំលេចដោយកែវមុក្តា បាំងដោយសំណាញ់មាស ខ្ញុំបានធ្វើកុសលកម្មនោះ ដែលព្រះពុទ្ធទ្រង់សរសើរហើយ ប្រាសចាកសេចក្តីសោក ដល់នូវសេចក្តីសុខ មានចិត្តត្រេកអរព្រមដែលត្រូវទទួលនៅពេលនេះ ។
នេះបញ្ជាក់ថា បុណ្យកុសលដែលអ្នកសាងសន្សំហើយ នឹងហុចផលដល់អ្នកវិញ បើទុកជាមិនទទួលផលក្នុងជាតិនេះ ក៏គង់បានផលនៅក្នុងជាតិណាមួយមិនមួយមិនខាន ៕ សាន សារិន
ចែករំលែកព័តមាននេះ