រាជធានីភ្នំពេញ ៖ ក្មេងស្ទាវ២នាក់ ត្រូវបានសមត្ថកិច្ចនគរបាលខណ្ឌជ្រោយចង្វារធ្វើការឃាត់ខ្លួនបានហើយនៅព្រឹកថ្ងៃទី០៨ ខែមីនា ឆ្នាំ២០២១នេះ ក្មេងស្ទាវទាំង២រូបនេះ ក្នុងចំណោមក្មេងស្ទាវមួយក្រុម ដែលបានជិះម៉ូតូធ្វើសកម្មភាព ទះក្បាលជនបរទេស ដែលកំពុងជិះកង់តែម្នាក់ឯង ។
ពេលនេះសមត្ថកិច្ចជំនាញខណ្ឌជ្រោយចង្វារ កំពុងធ្វើការសួរចម្លើយក្មេងស្ទាវទាំង ២នាក់ តាមបទបញ្ជារបស់ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ។
គួរជម្រាបថា ថ្មីៗនេះនៅលើគណនី Tiktok មួយឈ្មោះ Lim broken heart បានបង្ហោះវីដេអូឃ្លីបមួយមានរយៈពេលប៉ុន្មានវិនាទី
បង្ហាញពីទីតាំងម្តុំជ្រោយចង្វារ និងសកម្មភាពរបស់ក្រុមក្មេងស្ទាវ ដែលមានម្នាក់ជាអ្នកឌុបម៉ូតូ ស្លាកលេខម៉ូតូ 1HK 2418 ម្នាក់ទៀតជាអ្នកជិះពីក្រោយ បានឈោងទះក្បាលជនបរទេសម្នាក់កំពុងជិះកង់ ដោយមានអ្នកថតវីដេអូ សើចក្អាកក្អាយ ធ្វើអោយមានការរិះគន់ជាខ្លាំង នៅលើបណ្ដាញសង្គម ។
សូមប្រិយមិត្តទស្សនាវីដេអូខាងក្រោម៖
ចែករំលែកព័តមាននេះ