រាជធានីភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជាបានស្នើគ្រប់ក្រសួងស្ថាប័នពាក់ព័ន្ធ ត្រូវលើកកម្ពស់សីលធម៌សង្គមតម្លៃស្ត្រី និងគ្រួសារខ្មែរ តាមរយៈការពង្រឹងអនុវត្តកម្មវិធីចិញ្ចឹមកូនបែបវិជ្ជមានវប្បធម៌អហិង្សា ដើម្បីទប់ស្កាត់អំពើហិង្សាលើស្ត្រី ឆ្នាំ២០១៩-២០២៣ ឲ្យបានទូលំទូលាយទាំងថ្នាក់ជាតិ និងថ្នាក់ក្រោមជាតិ ។
តាមសារលិខិតសម្ដេចតេជោ ហ៊ុន សែន ក្នុងឱកាសអបអរសាទរខួបលើកទី១១០ «ទិវាអន្ដរជាតិនាទី ៨ មីនា» ចេញផ្សាយនាថ្ងៃទី៨ ខែមីនា ឆ្នាំ២០២១ បានឲ្យដឹងថា ពេលនេះផលប៉ះពាល់ពីវិបត្តិកូវីដ-១៩ មកលើសេដ្ឋកិច្ចកម្ពុជា និងពិភពលោកនៅតែបន្ត ដូច្នេះគន្លងថ្មីក្រោមទស្សទានថ្មីក្នុងកិច្ចអភិវឌ្ឍសេដ្ឋកិច្ច និងសង្គម ប្រកបដោយបរិយាបន្ន ដើម្បីសម្រេចបាននូវគោលដៅអភិវឌ្ឍប្រកបដោយចីរភាព ដោយមិនទុកនរណាម្នាក់ឲ្យនៅឯកោ គឺជាស្មារតីនៃផែនការស្តារសេដ្ឋកិច្ចកម្ពុជាក្រោយវិបត្តិជំងឺកូវីដ-១៩ និងយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាល ដើម្បីឈានទៅសម្រេចចក្ខុវិស័យកម្ពុជាឆ្នាំ២០៥០ ។
សម្ដេចតេជោបញ្ជាក់ថា «ក្នុងនាមរាជរដ្ឋាភិបាល ខ្ញុំព្រះករុណាខ្ញុំសូមស្នើគ្រប់ក្រសួងស្ថាប័នពាក់ព័ន្ធដៃគូអភិវឌ្ឍសង្គមស៊ីវិល និងវិស័យឯកជន ព្រមទាំងប្រជាពលរដ្ឋគ្រប់រូបរួមគ្នាផ្តោតការយកចិត្តទុកដាក់ ទៅលើចំណុចអាទិភាពបន្តពង្រឹងសាមគ្គីភាព និងឯកភាពជាតិថែរក្សាសន្តិភាពស្ថិរភាពនយោបាយ ស្ថិរភាពម៉ាក្រូសេដ្ឋកិច្ច និងហិរញ្ញវត្ថុបន្តជំរុញចលនាជាតិប្រយុទ្ធនឹងជំងឺកូវីដ-១៩ ដើម្បីធានាសុខុមាលភាព ជីវភាពប្រក្របតីរបស់ប្រជាជន និងការអភិវឌ្ឍសង្គម-សេដ្ឋកិច្ច» ។
ជាមួយសម្ដេចស្នើឲ្យមានការពង្រីកវិសាលភាពគ្របដណ្ដប់នៃប្រព័ន្ធគាំពារសង្គម រួមទាំងសុខមាលភាពស្ត្រី និងក្មេងស្រីជាមួយនឹងការអនុវត្តនូវរាល់កម្មវិធីជំនួយសង្គមនានា ។ សម្ដេចថា បន្តពង្រឹងភាពអង់អាចផ្នែកសេដ្ឋកិច្ចដល់ស្ត្រី តាមរយៈការបង្កើនការយល់ដឹង និងអភិវឌ្ឍអាជីវកម្មដល់ស្ត្រី ការអភិវឌ្ឍអាជីវកម្មខ្នាតមីក្រូ ខ្នាតតូច និងមធ្យម (MSME) ពង្រឹងកម្មវិធីបណ្តុះបណ្តលវិជ្ជាជីវៈ និងបរិយាបន្នហិរញ្ញវត្ថុ ។ សម្ដេចតេជោ បន្ថែមថា អភិវឌ្ឍមូលធនមនុស្ស និងឌីជីថល ជាពិសេសសម្រាប់ស្ត្រី និងក្មេងស្រីតាមរយៈការបង្កើនការវិនិយោគលើការអប់រំ និងការអភិវឌ្ឍជំនាញ ក្នុងវិស័យបច្ចេកវិទ្យាឌីជីថល និងការអប់រំផ្នែកវិទ្យាសាស្ត្រ បច្ចេកវិទ្យា វិស្វកម្ម សិល្បៈច្នៃប្រឌិត និងគណិតវិទ្យា (STEAM)។
សម្ដេចថា បន្តធានាលើការការពារសិទ្ធិ ដោយស្មើភាពដល់ស្ត្រី ដើម្បីស្ត្រីអា ចធ្វើសេចក្តីសម្រេចចិត្តនៅគ្រប់ កម្រិត ជួយដោះស្រាយរាល់ឧបសគ្គនានា ដែលរើសអើង ចំពោះស្ត្រី ក្នុងការចូលរួមធ្វើសេចក្តីសម្រេចនៅក្នុង ស្ថាប័នសាធារណៈនៅគ្រប់កម្រិត និងក្នុងវិស័យនយោបាយ។ សម្ដេចតេជោ បញ្ជាក់ថា «លើកកម្ពស់សីលធម៌សង្គម តម្លៃស្ត្រី និងគ្រួសារខ្មែរ តាមរយៈការពង្រឹងការអនុវត្តកម្ម វិធីចិញ្ចឹម កូនបែបវិជ្ជមាន វប្បធម៌អហិង្សា និងការ បង្កើនការវិនិយោគលើការអនុវត្ត ផែនការសកម្មភាពជាតិ ស្តីពី ការ ទប់ស្កាត់អំពើហិង្សាលើស្ត្រី ឆ្នាំ២០១៩-២០២៣ ឲ្យបានទូលំទូលាយទាំងថ្នាក់ជាតិ និងថ្នាក់ក្រោមជាតិ។ ពង្រឹងយន្ត ការគណនេយ្យភាពសម្រាប់សមភាពយេនឌ័ររបស់ ក្រសួងស្ថាប័ននៅគ្រប់កម្រិតតាម រយៈការអភិវឌ្ឍសមត្ថភាព និងប្រព័ន្ធត្រួតពិនិត្យ និងវាយតម្លៃប្រកបដោយប្រសិទ្ធភាព និងតម្លាភាព»។
ជាងនេះទៅទៀត សម្ដេចតេជោ ហ៊ុន សែន ក៏បានអំពាវនាវដល់ជនរួមជាតិ និងក្រុម គ្រួសារ ត្រូវចូលរួមគាំទ្រគោល នយោបាយសមភាពយេនឌ័រ ដើម្បីបង្កកាលានុវត្តភាពឲ្យស្ត្រី និងក្មេងស្រី បានចូលរួមយ៉ាងសកម្មពេញលេញ ព្រមទាំង ទទួលភាគផលពីកិច្ចអភិវឌ្ឍសង្គម និងសេដ្ឋកិច្ចជាតិនៅគ្រប់ជំនាន់ និងទៅអនាគត៕
ចែករំលែកព័តមាននេះ