អាហ្សង់ទីន ៖ ផ្ទុះការចាប់អារម្មណ៍មួយលើសារព័ត៌មានធំៗមួយចំនួន បន្ទាប់ពីរូបភាពកីឡាការិនីបាល់បោះម្នាក់កំពុងបំបៅដោះកូន អំឡុងពេលនៃការប្រកួតមួយក្នុងលីគកំពូលបាល់បោះនារីរបស់ប្រទេសអាហ្សង់ទីន ត្រូវបានចែកចាយពាសពេញបណ្តាញទំនាក់ទំនងសង្គម ។ រូបភាពទាំងនោះថតបានក្នុងការប្រកួតរវាងក្រុម Tomas de…
អាហ្សង់ទីន ៖ ផ្ទុះការចាប់អារម្មណ៍មួយលើសារព័ត៌មានធំៗមួយចំនួន បន្ទាប់ពីរូបភាពកីឡាការិនីបាល់បោះម្នាក់កំពុងបំបៅដោះកូន អំឡុងពេលនៃការប្រកួតមួយក្នុងលីគកំពូលបាល់បោះនារីរបស់ប្រទេសអាហ្សង់ទីន ត្រូវបានចែកចាយពាសពេញបណ្តាញទំនាក់ទំនងសង្គម ។
រូបភាពទាំងនោះថតបានក្នុងការប្រកួតរវាងក្រុម Tomas de Rocamora ទល់នឹងក្រុម Velez Sarsfield កាលពីសប្តាហ៍មុន។ ដោយកីឡាការិនីម្នាក់នៅក្នុងក្រុម Tomas de Rocamora ដែលត្រូវបានគេស្គាល់ឈ្មោះថា Antonella Gonzalez ត្រូវអ្នកប្រមាញ់រូបភាពថតបានពេលនាងកំពុងបំបៅដោះកូនស្រីអាយុ១១ខែ អំឡុងម៉ោងសម្រាកនៃការប្រកួត។
រូបភាពនេះ ត្រូវបានបង្ហោះដោយសហព័ន្ធបាល់បោះអាហ្សង់ទីន (CABB) ព្រមទាំងភ្ជាប់ជាមួយចំណងជើងថា «រូបភាពបង្ហាញពីចំណង់ចំណូលចិត្តសម្រាប់កីឡាបាល់បោះ និងក្នុងនាមជាម្ដាយ១រូប»។
មានការចែកចាយបន្តកក្រើកលើបណ្តាញសង្គម និងសារព័ត៌មានទាំងជាតិ និងអន្តរជាតិជាច្រើន ដោយពួកគេបានបង្ហាញពីការគោរព និងកោតសរសើរចំពោះទឹកចិត្តរបស់កីឡាការិនីរូបនេះ៕ (ដកស្រង់ចេញពី The Sun)
ចែករំលែកព័តមាននេះ