ប្រទេសមីយ៉ាន់ម៉ា ៖ បាតុកម្មនានានៅបន្តនាថ្ងៃទី៦ ខែមីនា នៅមីយ៉ាន់ម៉ា ក៏ទោះបីមានការបង្ក្រាបរបស់កងយោធា ។ មុននេះកិច្ចប្រជុំមួយរបស់ អ.ស.ប បានក្លាយទៅជាការបែកបាក់គ្នា…
ប្រទេសមីយ៉ាន់ម៉ា ៖ បាតុកម្មនានានៅបន្តនាថ្ងៃទី៦ ខែមីនា នៅមីយ៉ាន់ម៉ា ក៏ទោះបីមានការ
បង្ក្រាបរបស់កងយោធា ។ មុននេះកិច្ចប្រជុំមួយរបស់ អ.ស.ប បានក្លាយទៅជាការបែកបាក់គ្នា របស់សហគមន៍អន្តរជាតិ ។
ពួកបាតុករបានលើកគ្នាហែក្បួនជាថ្មីនៅមីយ៉ាន់ម៉ា នាថ្ងៃទី៦ មីនាបន្ទាប់ពីកិច្ចប្រជុំថ្មីមួយ របស់ក្រុមប្រឹក្សាសន្តិសុខ អ.ស.ប ដែលមានការខ្វែងគំនិតគ្នាលើការឆ្លើយតបចំពោះការអំពាវនាវទាំងអស់សង្ឃឹមរបស់ប្រជាជនប្រទេសនោះ ។
ប្រទេសនៅអាស៊ីអាគ្នេយ៍នោះបានធ្លាក់ចូលក្នុងរបត់ថ្មីចាប់តាំងពីពួក យោធាធ្វើរដ្ឋប្រហារ និង
ចាប់ខ្លួនមេដឹកនាំ លោកស្រីអ៊ួងសាន់ ស៊ូជី កាលពីថ្ងៃទី១ កុម្ភៈ ជាមួយបាតុកម្មនិងកូដកម្មរាល់ថ្ងៃ ដែលធ្វើឲ្យស្ទះដល់សេដ្ឋកិច្ចនិងកិច្ចការរដ្ឋបាល។
បាតុកម្មនានាត្រូវបានរៀបចំធ្វើក្នុងទូទាំងប្រទេសកាលពីថ្ងៃទី៦ មីនា ហើយបណ្ដាសារព័ត៌
មានក្នុងស្រុករាយការណ៍ថា ប៉ូលិសបានប្រើឧស្ម័នបង្ហូរទឹកភ្នែកនិងគ្រាប់បែកធ្វើឲ្យហឹងត្រចៀក ដើម្បីបំបែកបាតុកម្មនៅក្រុងរ៉ង់ហ្គូនជាទីក្រុងធំបំផុតរបស់ប្រទេស ។ ពុំមានសេចក្ដីរាយការណ៍ពីអ្នករបួសម្នាក់ណាឡើយ ។
តាម អ.ស.ប ថាមនុស្សជាង៥០នាក់ត្រូវបានបាត់បង់ជីវិតតាំងពីមានរដ្ឋប្រហារមកក្នុងនោះ៣៨នាក់ក្នុងថ្ងៃទី៣មីនាតែមួយគត់ ។ បណ្ដាសារព័ត៌មានរដ្ឋបានស្នើដល់មន្ត្រីរដ្ឋការឲ្យចូលធ្វើការវិញ បើមិនដូច្នេះទេនឹងត្រូវដេញចេញពីការងារចាប់ពីថ្ងៃទី៨ មីនាទៅ ។
ក្រុមប្រឹក្សាសន្តិសុខដែលរួមប្រជុំកាលពីថ្ងៃទី៥ មីនា មិនបានចុះសម្រុងគ្នាលើការចេញសេចក្ដីថ្លែងការណ៍រួមមួយ ។ ការចរចាលើគម្រោងសេចក្ដីថ្លែងការណ៍នៅបន្តនាសប្ដាហ៍នេះ ។
ឯកអគ្គរាជទូតអង់គ្លេសប្រចាំ អ.ស.ប លោកស្រី BARBARA WOODWARD ក្រោយកិច្ចប្រជុំឲ្យដឹងថា យើងត្រៀមដាក់ទណ្ឌកម្មអន្តរជាតិ យោងតាមធម្មនុញ្ញ អ.ស.ប ប្រសិនបើសភាពការណ៍បន្តដុនដាបថែមទៀត ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ