នៅពេលសត្វលោកកំពុងជួបទុក្ខ ជួបការលំបាក ជួបគ្រោះភ័យ ជួបរោគាដោយប្រការផ្សេងៗ ក៏មិនលះសុចរិត នៅតែតម្កល់ខ្លួនក្នុងសេចក្តីល្អជានិច្ច និងផ្សាយមេត្តាធម៌ដល់ខ្លួនឯងដើម្បីឱ្យទុក្ខភ័យទាំងឡាយនោះសាបរលាបទៅ ។
ពាក្យផ្សាយមេត្តាដើម្បីឱ្យខ្លួនឯងរសាយពីសេចក្តីទុក្ខដោយវចីស័ព្ទយ៉ាងនេះថា អហំ សុខិតោ ហោមិ សូមឱ្យខ្ញុំបានដល់នូវសេចក្តីសុខ, និន្ទុក្ខោ ហោមិ សូមឱ្យខ្ញុំកុំបីមានទុក្ខ, អវេរោ ហោមិ សូមឱ្យខ្ញុំកុំបីមានពៀរ, អព្យាបជ្ឈោ ហោមិ សូមឱ្យខ្ញុំកុំបីមានព្យាបាទ, អនីឃោ ហោមិ សូមឱ្យខ្ញុំកុំបីមានសេចក្តីព្រួយលំបាក, សុខី អត្តានំ បរិហរាមិ សូមឱ្យខ្ញុំរក្សានូវខ្លួនជាសុខជារៀងរហូត ។
ពាក្យផ្សាយមេត្តាធម៌នេះ បើសាធុជនមិនចេះអានបាលីទេ គប្បីពោលតែពាក្យសម្រាយទៅក៏បាន ព្រោះពាក្យសម្រាយនេះក៏ប្រែចេញពីបាលីដែរ មិនឆ្គងអ្វីឡើយ ការណ៍ដែលសំខាន់នោះត្រូវតាំងចិត្ត តម្កល់ខ្លួនក្នុងសេចក្តីល្អជានិច្ចនឹងរួចទុក្ខហើយ ៕ សាន សារិន
ចែករំលែកព័តមាននេះ