រាជធានីភ្នំពេញ ៖ ផ្ទះបាយកុមារគឺជា ទីកន្លែងមួយសំរាប់ផ្ដល់អាហារពេលព្រឹក ដល់កុមារក្រីក្រនិងកុមាររើសអេតចាយនៅ តាមចិញ្ចើមថ្នល់និងមានទីតាំងស្ថិតនៅផ្ទះលេខ២៤ ផ្លូវលេខ៤៥៤ ក្នុងសង្កាត់ទួលទំពូង ១ ខណ្ឌចំការមន ។ លោកង៉ូវ ឈីវ ប្រធាន គ្រប់គ្រងផ្ទះបាយកុមារបានប្រាប់កោះសន្ដិ ភាពថា ផ្ទះបាយកុមារនេះទើបតែបង្កើត ឡើងក្នុងរយៈពេល១សប្ដាហ៍នេះប៉ុណ្ណោះ ក្រោមការជួយកសាងដោយលោក YUES JACQUIN ជា
រាជធានីភ្នំពេញ ៖ ផ្ទះបាយកុមារគឺជា ទីកន្លែងមួយសំរាប់ផ្ដល់អាហារពេលព្រឹក ដល់កុមារក្រីក្រនិងកុមាររើសអេតចាយនៅ តាមចិញ្ចើមថ្នល់និងមានទីតាំងស្ថិតនៅផ្ទះលេខ២៤ ផ្លូវលេខ៤៥៤ ក្នុងសង្កាត់ទួលទំពូង ១ ខណ្ឌចំការមន ។ លោកង៉ូវ ឈីវ ប្រធាន គ្រប់គ្រងផ្ទះបាយកុមារបានប្រាប់កោះសន្ដិ ភាពថា ផ្ទះបាយកុមារនេះទើបតែបង្កើត ឡើងក្នុងរយៈពេល១សប្ដាហ៍នេះប៉ុណ្ណោះ ក្រោមការជួយកសាងដោយលោក YUES JACQUIN ជាសប្បុរសជននៅប្រទេស បារាំង ។លោកមានប្រសាសន៍ឱ្យដឹងទៀតថា មូល ហេតុដែលធ្វើឱ្យលោកមានគំនិតផ្ដួចផ្ដើម បង្កើតផ្ទះបាយកុមារនេះឡើង គឺដោយសារ តែលោកមានចិត្ដអាណិតអាសូរជាពន់ពេក ដល់កុមារក្រីក្រ កុមាររើសអេតចាយនៅ តាមចិញ្ចើមថ្នល់ទាំងឡាយ ដើម្បីជួយពួកគេ ឱ្យទទួលបានអាហារពេលព្រឹកឆ្ងាញ់១ពេល ព្រោះលោកយល់ថា ពួកគេមិនមានលទ្ធភាព រកអាហារបរិភោគឱ្យបានគ្រប់គ្រាន់នោះទេ ។
ជាការពិត ពួកគេប្រឈមមុខទៅនឹង កង្វះអាហារូបត្ថម្ភសំរាប់ទ្រទ្រង់រាងកាយ ព្រោះតែបរិភោគអាហារគ្មានជីវជាតិ ។ លោកបានឱ្យដឹងថាតាមរយៈផ្ទះបាយ កុមារនេះលោកបានកត់សំគាល់ឃើញថា ពួកគេពិតជាឃ្លានខ្លាំងណាស់ នៅពេលក្រោក ពីដំណេកពេលព្រឹក និងបាននាំគ្នាបរិភោគ ដោយក្ដីរំភើប ។ ក្នុងសកម្មភាពនេះ បច្ចុប្បន្ន លោកបានខិតខំស្វះស្វែងរកការជួយឧបត្ថម្ភពី សប្បុរសជននានា ដើម្បីទិញម្ហូបអាហារផ្ដល់ ឱ្យពួកគេបានហូបជាបន្ដបន្ទាប់ ព្រោះថាជា រៀងរាល់ព្រឹកមានកុមារប្រហែលជាងមួយ រយនាក់បានមកទទួលទានអាហារនៅទីនេះ ។ ក្រៅពីទទួលទានអាហារពេលព្រឹក លោកក៏បានផ្ដល់កន្លែងបត់ជើងតូចបត់ជើងធំ និងងូតទឹកសំអាតខ្លួននៅទីនោះទៀតផង ។ លោកគិតថាពួកគេទាំងអស់ពិតជាគួរឱ្យ មានការអាណិតអាសូរយ៉ាងខ្លាំង ។
កូនគេអ្នកមានពេលព្រឹកគេបានទៅសាលារៀន មានអាហារបរិភោគគ្រប់គ្រានពោរពេញ ដោយជីវជាតិ។ចំណែកពួកគេខ្វះភ័ព្វវាសនាក្រៅពីក្រោកពីដំណេកទាញរទេះដើររើស អេតចាយទៅលក់បានប្រាក់បន្ដិចបន្ដួចគឺគ្មានអ្វីដែលជាទីពឹងឡើយ ។តាមរយៈកោះសន្ដិភាព លោកង៉ូវ ឈីវប្រធានអង្គការ CIFA បានធ្វើការអំពាវនាវ ដល់សប្បុរសជនទាំងអស់មានសម្ដេច ឯក ឧត្ដម ទ្រង់ លោកឧកញ៉ា លោកជំទាវ អស់ លោក លោកស្រី ដែលមានចិត្ដសប្បុរស និង អង្គការមនុស្សធម៌នានាដែលចង់ជួយរំលែក ទុក្ខលំបាកដល់កុមារក្រីក្រសំរាប់ការហូបចុក មួយពេល ឬមានសំលៀកបំពាក់ចាស់ថ្មីបែប ណាក៏លោកទទួលដែរ គឺទុកសំរាប់ផ្ដល់ឱ្យ ពួកក្មេងៗតែប៉ុណ្ណោះ ដូចជាពិធីជប់លៀង ពិធីបុណ្យទានផ្សេងៗ ហើយសល់ម្ហូប អាហារ ឬចំណីក៏អាចធ្វើការជួយរំលែកបាន ដែរដោយសូមទាក់ទងទូរស័ព្ទលេខ ០១៧ ៥៥៩ ៣៤២ ។ លោកសង្ឃឹមថា សប្បុរសជន ដែលមានចិត្ដជាបុណ្យពិតជាមិនព្រងើយ កន្ដើយចំពោះការអត់ឃ្លានរបស់កុមារ ក្រីក្រទាំងឡាយឡើយ។
ចែករំលែកព័តមាននេះ