ខេត្តស្វាយរៀង ៖ សេចក្តីរាយការណ៍បានឱ្យដឹងថា នៅមុននេះបន្តិច កម្លាំងនគរបាលនាយកដ្ឋានប្រឆាំងភេរវកម្ម សហការជាមួយកម្លាំងនគរបាលខេត្តស្វាយរៀង បានចុះបង្ក្រាបជនជាតិចិនមួយក្រុមមានគ្នា២៣នាក់ ក្នុងនោះមានស្រី៣នាក់
ខេត្តស្វាយរៀង ៖ សេចក្តីរាយការណ៍បានឱ្យដឹងថា នៅមុននេះបន្តិច កម្លាំងនគរបាលនាយកដ្ឋានប្រឆាំងភេរវកម្ម សហការជាមួយកម្លាំងនគរបាលខេត្តស្វាយរៀង បានចុះបង្ក្រាបជនជាតិចិនមួយក្រុមមានគ្នា២៣នាក់ ក្នុងនោះមានស្រី៣នាក់ ក្នុងករណីចាប់ជំរិតទារប្រាក់ តាមប្រព័ន្ធអ៊ីនធើរណេត នៅវេលាម៉ោង១០និង៣០នាទីព្រឹកថ្ងៃទី២៩ សីហា ស្ថិតនៅផ្ទះវិឡាមួយកន្លែង ក្នុងភូមិតាជោ សង្កាត់ស្វាយតឿ ក្រុងស្វាយរៀង ខេត្តស្វាយរៀង ។
បើតាមមន្ត្រីស្នងការនគរបាលខេត្តបានឲ្យដឹងថា ក្រុមជនជាតិចិនចំនួន២៣នាក់ បានធ្វើសកម្មភាពប្រព្រឹត្តបទល្មើសតាមប្រព័ន្ធទូរគមនាគមន៍ក្រសួងប្រៃសនីយ៍ ដោយលួចប្រើជាមួយនឹងឧបករណ៍បំលែងពីប្រព័ន្ធអ៊ីនធើរណេត ធ្វើទៅជាសម្លេង សម្រាប់និយាយគម្រាមជំរិតទារយកប្រាក់ និងឆបោកក្រុមគ្រួសារជនរងគ្រោះ ជាជនជាតិចិន នៅក្រៅប្រទេស ។
បច្ចុប្បន្នសមត្ថកិច្ចបានបញ្ជូនជនជាតិចិនទាំង២៣នាក់ទៅស្នងការនគបាលខេត្ត ដើម្បីសាកសួរ និងកសាងសំណុំរឿងបញ្ជូនទៅសាលាដំបូង ខេត្តស្វាយរៀង ចាត់ការតាមនីតិវិធីច្បាប់ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ